នៅថ្ងៃទី២៩ ខែមិថុនា ឆ្នាំ២០២៦ កងកម្លាំងសន្តិសុខប៉ាគីស្ថានប្រកាសថាបានសម្លាប់ពួកសកម្មប្រយុទ្ធចំនួន២៩នាក់ ក្នុងប្រតិបត្តិការលើដី និងការវាយប្រហារតាមអាកាសនៅតំបន់ព្រំដែនជាប់អាហ្វហ្គានីស្ថាន។
ប្រភពពីសារព័ត៌មានAP។
រដ្ឋមន្ត្រីក្រសួងព័ត៌មាន លោក Attaullah Tarar បានឱ្យដឹងថា ប្រតិបត្តិការនេះធ្វើឡើងដើម្បីឆ្លើយតបទៅនឹងការវាយប្រហារជាបន្តបន្ទាប់របស់ក្រុមសកម្មប្រយុទ្ធលើកងកម្លាំងសន្តិសុខប៉ាគីស្ថាន។
ទោះជាយ៉ាងណា ភាគីអាហ្វហ្គានីស្ថានបានចោទប្រកាន់ថា ការវាយប្រហាររបស់ប៉ាគីស្ថានបានបណ្តាលឱ្យជនស៊ីវិលជាច្រើនស្លាប់ និងរងរបួស រួមទាំងស្ត្រី និងកុមារ ហើយបានថ្កោលទោសសកម្មភាពនេះថាជាទង្វើឃោរឃៅ៕
