នាយករដ្ឋមន្ត្រីអ៊ីស្រាអែល លោក Benjamin Netanyahu បានប្រកាសថា អ៊ីស្រាអែលនឹងវាយប្រហារអ៊ីរ៉ង់ម្ដងទៀត ប្រសិនបើចាំបាច់ ដោយអះអាងថា ទីក្រុងតេអេរ៉ង់នឹងមិនត្រូវបានអនុញ្ញាតឱ្យមានអាវុធនុយក្លេអ៊ែរឡើយ។
ប្រភពពីសារព័ត៌មានAnadolu Agency នៅថ្ងៃទី១ខែកក្កដា។
ក្នុងបទសម្ភាសន៍ជាមួយទូរទស្សន៍ Channel 14 លោក Netanyahu បានអះអាងថា ប្រតិបត្តិការរបស់អ៊ីស្រាអែលបានជួយទប់ស្កាត់ការគំរាមកំហែងនុយក្លេអ៊ែរពីអ៊ីរ៉ង់។
ការលើកឡើងនេះធ្វើឡើង បន្ទាប់ពីសហរដ្ឋអាមេរិក និងអ៊ីរ៉ង់បានឈានដល់កិច្ចព្រមព្រៀងក្របខ័ណ្ឌមួយ ក្រោមការសម្របសម្រួលរបស់ប៉ាគីស្ថាន ដែលមានគោលបំណងបញ្ចប់ភាពតានតឹង និងដោះស្រាយបញ្ហាដូចជា កម្មវិធីនុយក្លេអ៊ែរ ការបន្ធូរទណ្ឌកម្ម និងសន្តិសុខក្នុងតំបន់៕
