(បន្ទាយមានជ័យ)៖ ប្រជាពលរដ្ឋរួមនិងអាជ្ញាធរមូលដ្ឋាន បានអះអាងថា ឈ្មោះ ស្វាង សៅគា ភេទស្រី ពុំមែនជាមេខ្យល់ដឹកនាំមនុស្សឆ្លងដែន ទៅធ្វើពលករ.នៅប្រទេសថៃនោះទេ!!។
ប៉ុន្តែតុលាការខេត្តបន្ទាយមានជ័យ បន្តឃុំខ្លួនរូបគាត់ ខណៈមនុស្ស១០នាក់ទៀត ក្នុងនោះរួមទាំងម្ចាស់រថយន្តដឹកជញ្ជូនផងដែរ គឺត្រូវបានដោះលែងអស់ហើយ!។
នៅឡើយតែឈ្មោះ ស្វាង សៅគា បែរជាតុលាការបន្តឃុំខ្លួន គិតមកដល់ពេលនេះ៩ខែហើយ.!។
ជាហេតុនាំឱ្យក្រុមគ្រួសារដើរស្រែកដង្ហោយរកយុត្តិធម៌ ស្ទើគ្រប់កន្លែងនៅតែមិនបានផល.!។
*នេះបើយោងតាមលិខិតបញ្ជាក់ របស់រដ្ឋបាលឃុំណាំតៅ ចុះថ្ងៃទី០៨ ខែតុលា ឆ្នាំ២០២៥ អមដោយស្នាមមេដៃពលករចំនួន១០នាក់ និងការលើកឡើងដោយផ្ទាល់ពីក្រុមគ្រួសារជនត្រូវចោទ.!!។
សូមជម្រាបថា ជនត្រូវចោទឈ្មោះ ស្វាង សៅគា ភេទស្រី អាយុ៣៥ឆ្នាំ នៅភូមិយាងឧត្តម ឃុំណាំតៅ ស្រុកភ្នំស្រុក ខេត្តបន្ទាយមានជ័យ(កំពុងឃុំខ្លួន)។
*ទាក់ទិនរឿងនេះ ម្ដាយរបស់ជនត្រូវចោទរួមនិងលោក រៀម ភ្លឿន ត្រូវជាប្ដីរបស់ឈ្មោះ ស្វាង សៅគា
បានអះអាងប្រាប់”ដើមរាំង”ថា កាលពីថ្ងៃទី០៦ ខែតុលា ឆ្នាំ២០២៥ សមត្ថកិច្ចបានចាប់ខ្លួនឈ្មោះ ស្វាង សៅគា រួមនិងមនុស្សចំនួន១០នាក់ទៀត ករណីធ្វើដំណើរឆ្លងដែនទៅធ្វើការជាពលករ.នៅប្រទេសថៃ.!។
*ក្រោយចាប់ខ្លួនសមត្ថកិច្ចបានដោះលែងពលករចំនួន៩នាក់វិញភ្លាមៗ! ខណៈឈ្មោះ ស្វាង សៅគា និងម្ចាស់រថយន្តឈ្មោះ យុន ម៉ឹង ភេទប្រុសអាយុ៤២ឆ្នាំ ត្រូវបានបញ្ជូនខ្លួនទៅកាន់តុលាការពីបទ”ការនាំយកចេញដោយមិនស្របច្បាប់សម្រាប់ឆ្លងដែន”ដែលបានប្រព្រឹត្តនៅឃុំទួលពង្រ ស្រុកម៉ាឡៃ ខេត្តបន្ទាយមានជ័យ កាលពីថ្ងៃទី០៥ ខែតុលា ឆ្នាំ២០២៥។
ប្រភពដដែលបន្តថា រហូតដល់អំឡុងចុងខែឧសភា ឬដើមខែមិថុនា ឆ្នាំ២០២៦ ស្រាប់តែតុលាការដោះលែងជនត្រូវចោទឈ្មោះ យុន ម៉ឹង ដែលជា ម្ចាស់រថយន្តដឹកជញ្ជូនពលករ.ខណៈឈ្មោះ ស្វាង សៅគា តុលាការបន្តឃុំខ្លួនរហូតសព្វថ្ងៃ.!។
បណ្ដាលឱ្យក្រុមគ្រួសារ ដើរស្រែកដង្ហោយរកយុត្តិធម៌ សឹងគ្រប់ទិសទីនៅតែមិនបានផល និងគ្មានការដោះលែងឈ្មោះ ស្វាង សៅគា.ទាល់តែសោះ!!។
*ដើម្បីឱ្យមានចម្លើយទាំងសងខាងនៅថ្ងៃទី០២.០៧.២០២៦”ដើមរាំង”បានព្យាយាមសុំការបំភ្លឺពីលោក រឿន លីណា អ្នកនាំពាក្យសាលាដំបូង ខេត្តបន្ទាយមានជ័យ ដោយទូរស័ព្ទចូលជាច្រើនដង.គ្មានអ្នកទទួល.!!។
*ប៉ុន្តែលោក សំរិទ្ធ សុខុន អ្នកនាំពាក្យអយ្យការ អមសាលាដំបូងខេត្តបន្ទាយមានជ័យ បានថ្លែងថា បើចៅក្រមឃុំខ្លួនហើយ គឺមានសំអាងអង្គហេតុហើយ។
លោកបន្តថា សារព័ត៌មានមិនអាចសួររកមូលហេតុខុសត្រូវបានទេ.ហើយរូបលោក ក៏មិនអាចឆ្លើយបានដែរ។
ទាល់តែមេធាវី ទើបមានសិទ្ធិថតចម្លងសំណុំរឿងយកទៅពិនិត្យ.!។
-ចំពោះសំណួរថា ចុះហេតុអ្វីបានជាដោះលែងម្ចាស់រថយន្ត ដែលដឹកពលករទៅថៃ.?។
-ត្រង់ចំណុចនេះលោក សំរិទ្ធ សុខុន បានឆ្លើយថា ខ្ញុំមិនដឹងទេ.ចាំមើលខ្ញុំសួរនាំគេសិន.!។
*ទោះជាយ៉ាងណាក៏ដោយ.ពលរដ្ឋក្នុងមូលដ្ឋាន.ក្រុមគ្រួសារជនត្រូវចោទ សុំស្នើយ៉ាងទទូចដល់ឯកឧត្ដម កើត វណ្ណារ៉េត ព្រះរាជអាជ្ញានៃអយ្យការអមសាលាដំបូងខេត្តបន្ទាយមានជ័យ
ឯកឧត្តម សេង លាង ប្រធានសាលាដំបូងខេត្តបន្ទាយមានជ័យ
ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ឯកឧត្តម កើត រិទ្ធ ឧបនាយករដ្ឋមន្ត្រីរដ្ឋមន្ត្រីក្រសួងយុត្តិធម៌ ជាពិសេសសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មេត្តា ជួយអន្តរាគមន៍ ដោះលែងឈ្មោះ ស្វាង សៅគា វិញដោយក្ដីអនុគ្រោះ!។
ដោយផ្អែកថា ឈ្មោះ ស្វាង សៅគា ពុំមែនជាមេខ្យល់ និងមានជីវភាពខ្សត់ខ្សោយខ្វះខាត.!!។
ជាក់ស្តែង ពលករទាំង១០នាក់ដែលធ្វើដំណើរជាមួយនិងត្រូវដោះលែងវិញ គឺសុទ្ធតែអះអាងថា ឈ្មោះ ស្វាង សៅគា ពុំមែនជាមេខ្យល់!។
មិនតែប៉ុណ្ណោះ សូម្បីលោក កៅ ម៉ែត មេភូមិយាងឧត្តម.លោក ទន់ ថុល មេឃុំណាំតៅ.លោក ទេព ឡាប មេភូមិថ្មីជើង ឃុំណាំតៅ ក៏សុទ្ធតែបញ្ជាក់ថា ឈ្មោះ ស្វាង សៅគា មិនមែនជាមេខ្យល់នាំមនុស្សទៅថៃ៕
