(ភ្នំពេញ)៖ ក្រោយរងការឃាត់ខ្លួនពាក់ព័ន្ធករណីអប់រំ.យុវជនបែបហិង្សា ឥឡូវលោក ឃឿន សុខឡា ហៅK01 ត្រូវបានតំណាងអយ្យការអមសាលាដំបូងរាជធានីភ្នំពេញ សម្រេចធ្វើការចោទប្រកាន់ពីបទ”ហិង្សាដោយចេតនា”។
*នេះបើយោងតាមការបញ្ជាក់ពីលោក ឆាយ ហុង ព្រះរាជអាជ្ញារងនិងជាអ្នកនាំពាក្យអយ្យការ អមសាលាដំបូងរាជធានីភ្នំពេញ ដែលបានថ្លែងប្រាប់”ដើមរាំង”នៅរសៀលថ្ងៃទី០២ ខែកក្កដា ឆ្នាំ២០២៦។
បើតាមលោក ឆាយ ហុង គឺលោក K01រងការចោទប្រកាន់ពីបទ ហិង្សាដោយចេតនា បទល្មើសដែលមានចែងឲ្យផ្តន្ទាទោសតាមមាត្រា២១៧ នៃក្រមព្រហ្មទណ្ឌ។
បច្ចុប្បន្ន សំណុំរឿងមួយនេះ ត្រូវបានបញ្ជូនទៅចៅក្រមស៊ើបសួរ ដើម្បីចាត់ការបន្ត.!។
យោងតាមមាត្រា២១៧ នៃក្រមព្រហ្មទណ្ឌ បានចែងថា អំពើហិង្សាប្រព្រឹត្តដោយចេតនាលើអ្នកដទៃ ត្រូវផ្ដន្ទាទោសដាក់ពន្ធនាគារពី១ឆ្នាំ ទៅ៣ឆ្នាំ និងពិន័យជាប្រាក់ពី២លានរៀល ទៅ៦លានរៀល។
សូមជម្រាបថា លោក ឃឿន សុខឡា ហៅK01 ត្រូវសមត្ថកិច្ចនគរបាលរាជធានីភ្នំពេញ ឃាត់ខ្លួន កាលពីថ្ងៃទី៣០.០៦.២០២៦ ក្រោយលោក K01 ធ្វើការអប់រំយុវជន.បែបហិង្សា និងល្បីពេញបណ្ដាញសង្គម៕
