ប្រធានាធិបតីស្តីទីរបស់ប្រទេសវេណេស៊ុយអេឡា នៅថ្ងៃព្រហស្បតិ៍ទី០២,០៧,២០២៦ បានសម្តែងការដឹងគុណចំពោះប្រទេសចំនួន៣១ រួមទាំងប្រទេសទួរគីផងដែរ ដែលបានផ្តល់ក្រុមជួយសង្គ្រោះ និងជំនួយមនុស្សធម៌ បន្ទាប់ពីការរញ្ជួយដីពីរលើកដ៏សាហាវកាលពីសប្តាហ៍មុន។
ប្រភពពីសារព័ត៌មានAnadolu Agency ។
លោកស្រី Delcy Rodriguez បានសរសេរនៅលេីប្រព័ន្ធX ថា”ការឆ្លើយតបរួមគ្នាពីប្រទេសចំនួន៣១ រួមជាមួយក្រុមជួយសង្គ្រោះប្រទេសវេណេស៊ុយអេឡា បានបង្ហាញយើងថាយើងមិនឯកាទេ”។
លោកស្រីបន្តថា “មុនពេលអ្នកទាំងអស់ដែលបានប្រថុយជីវិតរបស់ពួកគេដើម្បីជួយសង្គ្រោះអ្នកដទៃ ការឈឺចាប់ប្រែទៅជាការដឹងគុណ។ ប្រទេសវេណេស៊ុយអេឡានឹងចងចាំសាមគ្គីភាពនេះជារៀងរហូត។
សូមជម្រាបថា គ្រោះរញ្ជួយដីកម្រិត៧.២រ៉ិចទ័រ និងកម្រិត៧.៥រ៉ិចទ័រ បានវាយប្រហារប្រទេសវេណេស៊ុយអេឡា ប្រហែល៤០វិនាទី កាលពីល្ងាចថ្ងៃពុធទី២៤.០៦.២០២៦(ម៉ោងនៅក្នុងតំបន់) ត្រូវនឹងព្រឹកថ្ងៃទី២៥.០៦.២០២៦(ម៉ោងនៅកម្ពុជា)។
បណ្ដាលឱ្យអគារជាច្រើនត្រូវដួលរលំសង្កត់មនុស្សស្លាប់ និងបាត់ខ្លួនរាប់ម៉ឺននាក់..!។
បេីគិតមកដល់ថ្ងៃទី០៣,០៧,២០២៦(ម៉ោងនៅកម្ពុជា) ចំនួនអ្នកស្លាប់ដោយសារគ្រោះរញ្ជួយដីដ៏ខ្លាំងខ្លាមួយនេះបានកើនឡើងដល់២.៥៩៥នាក់ និងរបួសចំនួន១២.៤០០នាក់៕
