(ភ្នំពេញ)៖ មានជនអនាមិកយករូបលោកឧត្តមសេនីយ៍ទោ សិទ្ធិ ឡោះ អនុប្រធាននាយកដ្ឋានកណ្ដាលនគរបាលយុត្តិធម៌ និងជានាយករងខុទ្ទកាល័យឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ទៅបង្កើតគណនី Facebookក្លែងក្លាយ.!។
*នេះបើយោងតាមការបញ្ជាក់ពីលោកឧត្តមសេនីយ៍ទោ សិទ្ធិ ឡោះ ដែលបានថ្លែងប្រាប់”ដើមរាំង”នៅរសៀលថ្ងៃទី០៣.០៧.២០២៦។
លោកឧត្តមសេនីយ៍ទោ សិទ្ធិ ឡោះ លើកឡើងថា ថ្មីៗនេះមានជនមិនស្គាល់មុខ បានយករូបលោក ទៅបង្កើតគណីFacebookក្លែងក្លាយ ឈ្មោះ”តោស្នំ ឯក”ដោយគ្មានការអនុញ្ញាត ដេីម្បីបង្ហោះស៊ែរព័ត៌មាននិងបញ្ចេញទស្សនៈផ្សេងៗ..!។
ក្នុងនោះ លោកឧត្តមសេនីយ៍ទោ ទាមទារឱ្យជន(អនាមិក)លុបរូបលោកចេញពីគណនីFacebookឈ្មោះ”តោស្នំ ឯក”ខាងលេីជាបន្ទាន់ និងបញ្ឈប់រាល់សកម្មភាពផ្សេងៗដែរពាក់ព័ន្ធនិងរូបលោក៕
