ប្រធានាធិបតីអាមេរិក លោកDonald Trump បាននិយាយថា សហរដ្ឋអាមេរិកបានផ្អាកការចរចាជាមួយអ៊ីរ៉ង់រយៈពេលមួយសប្តាហ៍ ដើម្បីឱ្យអ៊ីរ៉ង់រៀបចំពិធីបុណ្យសពអតីតមេដឹកនាំកំពូល លោក Ali Khamenei។
ប្រភពពីសារព័ត៌មានAnadolu Agency នៅថ្ងៃទី៤ខែកក្កដា។
ថ្លែងក្នុងពិធីអបអរខួប ២៥០ ឆ្នាំនៃឯករាជ្យភាពសហរដ្ឋអាមេរិក នៅរដ្ឋ South Dakota លោក Trump បានអះអាងថា អ៊ីរ៉ង់ចង់ឈានដល់កិច្ចព្រមព្រៀងជាមួយសហរដ្ឋអាមេរិកយ៉ាងខ្លាំង។
ក្រៅពីនេះ លោក Trump បានសរសើរអាមេរិកថា ជាប្រទេសដែលមានសេរីភាព និងរដ្ឋធម្មនុញ្ញរឹងមាំ ហើយបានព្រមានថា លទ្ធិកុម្មុយនិស្តគឺជាការគំរាមកំហែងធំបំផុតមួយចំពោះសហរដ្ឋអាមេរិក។ លោកក៏បានបង្ហាញទំនុកចិត្តថា គណបក្សសាធារណរដ្ឋនឹងបន្តទទួលបានជោគជ័យក្នុងការបោះឆ្នោតនាពេលខាងមុខ៕
