គិតត្រឹមថ្ងៃទី១០.ខែកក្កដា.ឆ្នាំ២០២៦(ម៉ោងនៅកម្ពុជា) ចំនួនអ្នកស្លាប់ដោយសារគ្រោះរញ្ជួយដីដ៏ខ្លាំងក្លា នៅប្រទេសវេណេស៊ុយអេឡា បានកើនដល់៣.៨៨៩នាក់ និងរបួសចំនួន១៦.៧៤០នាក់។
នេះបើយោងតាមការលើកឡើងរបស់លោក Jorge Rodriguez ប្រធានរដ្ឋសភា វេណេស៊ុយអេឡា។
សារព័ត៌មាន(ស៊ីនហួ)។
លោក Rodriguez និយាយនៅលើបណ្តាញសង្គមថា គ្រោះរញ្ជួយដីដ៏ខ្លាំងក្លាចំនួន២លើក ដែលបានវាយប្រហារប្រទេសនេះ កាលពីថ្ងៃទី២៤ ខែមិថុនា ក៏បានធ្វើឱ្យមនុស្ស ១៧.៩០៧នាក់គ្មានផ្ទះសម្បែងផងដែរ។
យោងតាមតួលេខផ្លូវការចុងក្រោយ មនុស្សចំនួន៦.៤៦២នាក់ត្រូវបានជួយសង្គ្រោះ។
សូមជម្រាបថា គ្រោះរញ្ជួយដីកម្រិត៧.២រ៉ិចទ័រ និងកម្រិត៧.៥រ៉ិចទ័រ បានវាយប្រហារប្រទេសវេណេស៊ុយអេឡា ផ្ទួនៗគ្នា ប្រហែល៤០វិនាទី កាលពីល្ងាចថ្ងៃពុធទី២៤.០៦.២០២៦(ម៉ោងនៅក្នុងតំបន់) ត្រូវនឹងព្រឹកថ្ងៃទី២៥.០៦.២០២៦(ម៉ោងនៅកម្ពុជា)។
បណ្ដាលឱ្យអគារជាច្រើន ត្រូវដួលរលំសង្កត់មនុស្សស្លាប់ និងបាត់ខ្លួនរាប់ម៉ឺននាក់..!។
*ជាមួយគ្នានេះ ប្រជាជនវេណេស៊ុយអេឡា បានសម្ដែងការឈឺចាប់ ដោយស្ដីបន្ទោសរដ្ឋាភិបាលថា ខ្វះខាតក្រុមអ្នកជួយសង្គ្រោះ ធ្វើឱ្យពួកគេបាត់បង់សមាជិកគ្រួសារ និងបណ្ដាលឱ្យចំនួនអ្នកស្លាប់កើនឡើងយ៉ាងឆាប់រហ័ស។
បន្ថែមពីនេះ អ្នកស្រុកបាននាំគ្នាជីកយកកម្ទេចថ្ម ចេញពីអគារ ដោយខ្លួនឯង ដើម្បីស្វែងរកសាច់ញាតិរបស់ខ្លួន។
*ក្រោយរងការរិៈគន់ពីប្រជាជនបែបនេះប្រធានាធិបតីស្ដីទីនៃ ប្រទេសវេណេស៊ុយអេឡា បានចេញមុខប្រកាសថា រដ្ឋាភិបាល បានយកចិត្តទុកដាក់បំផុតជុំវិញគ្រោះមហន្តរាយ មួយនេះ..!។
ដោយបានពង្រាយកម្លាំង ចម្រុះដើម្បីជួយសង្គ្រោះ មនុស្សចេញពីគំនរបាក់បែក មិនតែប៉ុណ្ណោះរដ្ឋាភិបាល ក៏បានស្នើសុំជំនួយ ពីក្រៅប្រទេសទៀតផង ។
ប៉ុន្តែដោយសារ គ្រោះមហន្តរាយនេះធំធេងពេក.ពោលគឺអគារបាក់រលំជាច្រើនកន្លែង មនុស្សជាប់គាំងនៅក្រោមគំនរបាក់បែក រាប់ម៉ឺននាក់ ជាហេតុនាំឱ្យការសង្គ្រោះ មិនអាចគ្រប់គ្រាន់តាមតម្រូវការ។
ពោលគឺ ក្រុមសង្គ្រោះមកពីបណ្ដាប្រទេសជិត២០ រួមនិងក្រុមសង្គ្រោះក្នុងស្រុក សរុបជិត៣០.០០០នាក់ កំពុងផ្ដល់ជំនួយ.សម្ភារៈពេទ្យ និងបានចល័ត កាត់ដែក កាយកម្ទេចថ្ម ដើម្បីជួយមនុស្ស និងដកហូតយកសាកសពចេញពីអគារ បាក់បែកជាបន្តបន្ទាប់។
គ្រោះរញ្ជួយដីដ៏ខ្លាំងក្លាមួយនេះ បើគិតមកដល់ថ្ងៃទី១០.ខែកក្កដា.២០២៦ គឺមានរយៈពេល១៥ថ្ងៃហើយ ការរុករកនៅពុំទាន់បញ្ចប់នោះទេ។
ដូច្នេះមនុស្សរាប់ពាន់នាក់ទៀត ដែលកំពុងជាប់គាំងនៅក្រោមគំនរបាក់បែក ត្រូវប្រឈមមុខនឹងក្ដីអស់សង្ឃឹមថា នៅមានជីវិត។
ក្នុងនោះ មន្ត្រីជំនាញបានប៉ាន់ស្មានថា គ្រោះមហន្តរាយមួយនេះ ចំនួនអ្នកស្លាប់ អាចនឹងកើនដល់១ម៉ឺននាក់៕
