(ភ្នំពេញ)៖ សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា នឹងអញ្ជើញទៅអុជធូបគោរពវិញ្ញាណក្ខន្ធ សពម្តាយរបស់លោក កឹម សុខា គឺឧបាសក សៅ ង៉ែត ដែលបានទទួលមរណភាព កាលពីម៉ោង១១យប់ថ្ងៃទី៨ ខែកក្កដា ឆ្នាំ២០២៦ ដោយជរាពាធ ក្នុងជន្មាយុ ១០១ឆ្នាំ។
*នេះបេីតាមលោក ជា ធីរិទ្ធ អ្នកនាំពាក្យសម្តេចតេជោ ហ៊ុន សែន។
ក្នុងសាររំលែកមរណទុក្ខផ្ញើជូនលោក កឹម សុខា សម្តេចតេជោ ហ៊ុន សែន បានចាត់ទុកមរណភាពឧបាសិកា សៅ ង៉ែត ។
គឺជាការបាត់បង់នូវពុទ្ធសាសនិកមួយរូបដែលមាន សទ្ធាជ្រះថ្លាក្រៃលែង ដែលបានបូជាអស់កម្លាំងកាយចិត្ត ពេលវេលា និងថវិកា ចូលរួមចំណែកក្នុងការ ទ្រទ្រង់ និងលើកស្ទួយវិស័យព្រះពុទ្ធសាសនានៅប្រទេសកម្ពុជា។
សម្តេចតេជោ និងលោក កឹម សុខា ជាអ្នកនយោបាយដែលធ្លាប់បានប៉ះទង្គិចគ្នាលើការប្រកួតប្រជែងផ្នែកនយោបាយ ប៉ុន្តែក្រៅសង្វៀននយោបាយមានទំនាក់ទំនងមួយដែលគេបានកត់សម្គាល់ ។
គឺលោក កឹម សុខា ធ្លាប់បានអញ្ជើញចូលរួមបុណ្យសពបងប្រុសរបស់សម្តេចតេជោ៕
