(ភ្នំពេញ)៖ បន្ទាប់ពីទទួលបាននូវការសាទរខ្លាំង តាមរយៈការប្តេជ្ញាចិត្ត លើការលុបបំបាត់អំពើពុករលួយ ពាក់ព័ន្ធការបម្រើសេវាជូនប្រជាពលរដ្ឋប្រកបដោយយុត្តិធម៌ និងនីតិវិធីជាធរមាន។ នៅពេលនេះលោក សារិន វណ្ណា ប្រធានមន្ទីររៀបចំដែនដី នគរូបនីយកម្ម និងសំណង់រាជធានីភ្នំពេញ បានចេញមកបង្ហាញឯកសារមួយចំនួន ដើម្បីបញ្ជាក់បន្ថែមអំពីការធ្វើកំណែទម្រង់ថ្មីលើបរិបថការងារស្នើសុំសេវាសាធារណៈនិងការកាត់បន្ថយរយៈពេលបង់ពន្ធប្រថាប់ត្រាទៀតផង។
ឯកសារចំនួនពីរដែលលោក សារិន វណ្ណា បង្ហាញចេញ រួមមាន លិខិតរបស់លោក ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ផ្ញើជូនលោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់អំពីយន្តការផ្សេងៗក្នុងការពន្លឿនការចេញបណ្ណកម្មសិទ្ធិសម្គាល់អចលនវត្ថុ ក្នុងនោះមានការកាត់បន្ថយរយៈពេលបង់ពន្ធប្រថាប់ត្រាមកនៅត្រឹម ១-៤ថ្ងៃធ្វើការទៀតផង។
រីឯឯកសារមួយទៀតនៅះគឺការងារផ្តល់សេវារបស់មន្ទីររៀបចំដែនដីរាជធានីភ្នំពេញ ដែលមានប្រភេទសេវា និងពេលវេលាផ្តល់សេវា ដូចមានភ្ជាប់ ។
ស្របនិងការបង្ហាញនូវឯកសារទាំងនេះ លើបណ្តាញទំនាក់ទំនងសង្គមហ្វេសបុករបស់លោក ទទួលបានការចាប់អារម្មណ៍យ៉ាងខ្លាំង ពីប្រជាពលរដ្ឋ ដោយបានស៊ែរបន្ត និង(Comments)យ៉ាងច្រើន ដោយប្រជាពលរដ្ឋខ្លះស្នើឱ្យមានការបម្រើសេវាបែបនេះតាមបណ្តាខេត្តផ្សេងៗផងដែរ៕
