អង្គការសុខភាពPan American (PAHO) បានព្រមានថា វេណេស៊ុយអេឡាអាចប្រឈមនឹងការផ្ទុះជំងឺ បន្ទាប់ពីគ្រោះរញ្ជួយដីដ៏ធ្ងន់ធ្ងរកាលពីថ្ងៃទី២៤ ខែមិថុនា ដែលបានបំផ្លាញមន្ទីរពេទ្យ និងប្រព័ន្ធសុខាភិបាល។
ប្រភពពីសារព័ត៌មានAnadolu Agency នៅថ្ងៃទី១០ខែកក្កដា។
PAHO បញ្ជាក់ថា ការខ្វះទឹកស្អាត អនាម័យមិនល្អ អត្រាចាក់វ៉ាក់សាំងទាប និងការរស់នៅចង្អៀតក្នុងជម្រកបណ្តោះអាសន្ន អាចធ្វើឱ្យជំងឺផ្លូវដង្ហើម និងជំងឺឆ្លងតាមទឹករីករាលដាលបានងាយ។
បច្ចុប្បន្ន មន្ទីរពេទ្យជាច្រើនបានរងការខូចខាត ហើយខ្វះទាំងបុគ្គលិកពេទ្យ សម្ភារៈ និងថវិកា។ ជាមួយគ្នានេះ ក្រុមគ្រូពេទ្យអន្តរជាតិមួយចំនួនក៏បានចាប់ផ្តើមដកខ្លួនចេញពីតំបន់រងគ្រោះផងដែរ។
PAHO បានអំពាវនាវឱ្យសហគមន៍អន្តរជាតិផ្តល់ជំនួយបន្ថែម ដើម្បីជួសជុលមន្ទីរពេទ្យ និងទប់ស្កាត់ការផ្ទុះជំងឺដែលអាចកើតមានក្រោយគ្រោះមហន្តរាយ៕
