ក្រសួងអប់រំប៉ាឡេស្ទីនបានថ្កោលទោស ការដែលកងកម្លាំងអ៊ីស្រាអែលរុះរើសាលាបឋមសិក្សា Yanon នៅភូមិ Khirbet Yanon ក្នុងតំបន់ West Bank ដែលអ៊ីស្រាអែលកាន់កាប់។
ប្រភពពីសារព័ត៌មានAnadolu Agency នៅថ្ងៃទី១០ខែកក្កដា។
ប៉ាឡេស្ទីនចាត់ទុកទង្វើនេះថា ជាឧក្រិដ្ឋកម្មប្រឆាំងនឹងកុមារនិងជាការរំលោភសិទ្ធិទទួលបានការអប់រំ។ តាមទីភ្នាក់ងារសារព័ត៌មាន Wafa ភូមិនេះបានរងសម្ពាធជាច្រើនឆ្នាំ ហើយប្រជាពលរដ្ឋភាគច្រើនបានចាកចេញ ដោយនៅសល់តែគ្រួសារមួយប៉ុណ្ណោះ។
ក្រសួងអប់រំប៉ាឡេស្ទីនបានអំពាវនាវឱ្យអង្គការសហប្រជាជាតិ និងសហគមន៍អន្តរជាតិ ចាត់វិធានការការពារសាលារៀន និងសិទ្ធិរបស់កុមារប៉ាឡេស្ទីនក្នុងការទទួលបានការអប់រំ៕
