អ្នកនាំពាក្យរបស់ក្រុមហាម៉ាស លោកHazem Qassem ត្រូវបានរាយការណ៍ថា បានរួចផុតពីការប៉ុនប៉ងធ្វើឃាតរបស់អ៊ីស្រាអែល បន្ទាប់ពីការវាយប្រហារមួយបានកំណត់គោលដៅលើរថយន្តរបស់លោកនៅតំបន់ហ្គាហ្សា។
ប្រភពពីសារព័ត៌មានTRT World នៅថ្ងៃទី១០ខែកក្កដា។
ប្រភពសន្តិសុខក្នុងតំបន់ហ្គាហ្សាបានឱ្យដឹងថា លោក Qassem មិនបានស្ថិតនៅក្នុងរថយន្តនៅពេលកើតហេតុនោះទេ ប៉ុន្តែអង្គរក្សរបស់លោកម្នាក់ត្រូវបានសម្លាប់។
ស្របពេលជាមួយគ្នានេះ ការវាយប្រហាររបស់អ៊ីស្រាអែលនៅទូទាំងតំបន់ហ្គាហ្សាក្នុងរយៈពេល ២៤ម៉ោងចុងក្រោយ បានសម្លាប់ជនជាតិប៉ាឡេស្ទីនយ៉ាងហោចណាស់ ១២នាក់ និងបណ្តាលឱ្យមនុស្ស ២០នាក់ទៀតរងរបួស៕
