យ៉ាងហោចណាស់ ក៏មានមនុស្សចំនួន២៧នាក់បានស្លាប់ នៅពេលដែលអគ្គីភ័យ បានឆាបឆេះភោជនីយដ្ឋាន នៅរដ្ឋធានីបាងកកប្រទេសថៃ កាលពីពាក់កណ្តាលអធ្រាត្រឈាន ចូលថ្ងៃទី១៣.០៧.២០២៦ ខណៈដែលមនុស្សច្រើនកុះករនៅក្នុងនោះ។
សារព័ត៌មានAnadolu។
អគ្គីភ័យបានឆាបឆេះនៅ Rong Beer Na Ladprao ដែលជាហាងស្រាបៀរមួយក្នុងតំបន់ Ladprao នៃស្រុក Chatuchak នេះបើយោងតាមការផ្សាយរបស់ទូរទស្សន៍សាធារណៈ Thai PBS។
ក្រុមជួយសង្គ្រោះ បានកំណត់អត្តសញ្ញាណស្ត្រី១៧នាក់ និងបុរស៨ នាក់ ក្នុងចំណោមជនរងគ្រោះ២៧នាក់.!។
ខណៈដែលអត្តសញ្ញាណ របស់អ្នកស្លាប់ដែលនៅសេសសល់ មិនទាន់ត្រូវបានបញ្ជាក់នៅឡើយទេ។
ក្រុមអ្នកពន្លត់អគ្គីភ័យ និងអ្នកជួយសង្គ្រោះបានជម្លៀសមនុស្សជាច្រើនចេញពីទីកន្លែងនោះ ហើយអ្នករងរបួសត្រូវបានបញ្ជូនទៅមន្ទីរពេទ្យដែលនៅក្បែរ។
របាយការណ៍បាននិយាយថា ជនរងគ្រោះភាគច្រើន ត្រូវបានគេរកឃើញថា ជាប់នៅក្នុងបន្ទប់ទឹករបស់ភោជនីយដ្ឋាន។
វីដេអូពីកន្លែងកើតហេតុ បានបង្ហាញពីមនុស្សស្រែកយំ និងរត់គេចខ្លួនចេញពីអគារ ខណៈដែលក្រុមសង្គ្រោះបន្ទាន់បានធ្វើប្រតិបត្តិការជួយសង្គ្រោះ។
មូលហេតុនៃអគ្គីភ័យមិនទាន់ដឹងភ្លាមៗនៅឡើយទេ៕
