អង្គការសហប្រជាជាតិ(UN) បានព្រមានថា ការវាយប្រហារដោយដ្រូននៅតំបន់ក័រដូហ្វាន ប្រទេសស៊ូដង់ កំពុងធ្វើឱ្យវិបត្តិមនុស្សធម៌កាន់តែធ្ងន់ធ្ងរ ខណៈជំងឺអាសន្នរោគកំពុងរីករាលដាល និងទឹកស្អាតខ្វះខាត។
ប្រភពពីសារព័ត៌មានAnadolu Agency នៅថ្ងៃទី១៣ខែកក្កដា។
អង្គការ OCHA បានឱ្យដឹងថា ដ្រូនបានវាយប្រហារលើយានជំនិះជនស៊ីវិល និងរថយន្តដឹកទឹក បណ្តាលឱ្យមានអ្នកស្លាប់ និងរបួស ហើយធ្វើឱ្យការផ្គត់ផ្គង់ទឹកកាន់តែពិបាក។
អង្គការសុខភាពពិភពលោក (WHO) បានបញ្ជូនសម្ភារៈព្យាបាលជំងឺអាសន្នរោគ ខណៈ OCHA ផ្តល់ថវិកាជាង ៤ លានដុល្លារ ដើម្បីជួយផ្នែកស្បៀងអាហារ សុខាភិបាល ទឹកស្អាត និងអនាម័យ។
សង្គ្រាមនៅស៊ូដង់ ដែលបានអូសបន្លាយតាំងពីឆ្នាំ២០២៣ បានសម្លាប់មនុស្សរាប់ម៉ឺននាក់ និងបង្ខំឱ្យប្រជាជនរាប់លាននាក់ភៀសខ្លួន៕
