ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី បានជួបប្រធានាធិបតីបារាំង លោក អេម៉ានុយអែល ម៉ាក្រុង នៅទីក្រុងប៉ារីស ដើម្បីពិភាក្សាអំពីការពង្រឹងសមត្ថភាពការពាររបស់អ៊ុយក្រែន ជាពិសេសប្រព័ន្ធការពារដែនអាកាស និងការទប់ទល់នឹងការវាយប្រហាររបស់រុស្ស៊ី។
ប្រភពពីសារព័ត៌មានAnadolu Agency នៅថ្ងៃទី១៤ខែកក្កដា។
លោក ហ្សេលេនស្គី បានថ្លែងអំណរគុណចំពោះការគាំទ្ររបស់បារាំង និងបានប្រគល់គ្រឿងឥស្សរិយយស Order of Freedom ជូនលោក ម៉ាក្រុង ដោយហៅលោកថា «មិត្តពិតរបស់អ៊ុយក្រែន»។
នៅថ្ងៃដដែល បារាំងធ្វើជាម្ចាស់ផ្ទះកិច្ចប្រជុំ Coalition of the Willing ដែលមានប្រទេសចំនួន ៣៧ ចូលរួម ដើម្បីពិភាក្សាពីការបន្តជួយអ៊ុយក្រែន និងពង្រឹងកិច្ចសហប្រតិបត្តិការផ្នែកយោធា៕
