ប្រធានាធិបតីអាមេរិក លោកដូណាល់ ត្រាំ បានស្នើថា សហរដ្ឋអាមេរិកនឹងផ្តល់ការការពារសន្តិសុខដល់នាវាពាណិជ្ជកម្មដែលឆ្លងកាត់ច្រកសមុទ្រ Hormuz ប៉ុន្តែនឹងគិតថ្លៃ 20% លើទំនិញដែលដឹកជញ្ជូនតាមផ្លូវទឹកនេះ ដើម្បីទូទាត់ថ្លៃប្រតិបត្តិការសន្តិសុខ។
ប្រភពពីសារព័ត៌មានCNN នៅថ្ងៃទី១៤ខែកក្កដា។
សំណើនេះបានកើតឡើង ខណៈក្រុមហ៊ុនដឹកជញ្ជូនកំពុងស្វែងរកការការពារកាន់តែខ្លាំង ដោយសារសង្គ្រាមរវាងសហរដ្ឋអាមេរិក និងអ៊ីរ៉ង់ បានធ្វើឱ្យច្រកសមុទ្រ Hormuz កាន់តែមានហានិភ័យ។
ទោះជាយ៉ាងណា អ្នកជំនាញបានលើកឡើងថា សំណើរបស់លោក ត្រាំ នៅមិនទាន់ច្បាស់លាស់ទេ។ គេមិនទាន់ដឹងថា ថ្លៃ 20% នឹងគណនាតាមមូលដ្ឋានណា និងអ្នកណាជាអ្នកបង់ប្រាក់នោះឡើយ។ ដូច្នេះ សំណើនេះនៅតែបង្កការចម្រូងចម្រាសទាំងផ្នែកច្បាប់ និងការអនុវត្តជាក់ស្តែង៕
