រុស្ស៊ីបានច្រានចោលការចោទប្រកាន់របស់សហភាពអឺរ៉ុប (EU) ថា ខ្លួនពាក់ព័ន្ធនឹងការវាយប្រហារតាមប្រព័ន្ធអ៊ីនធឺណិតលើបណ្តាប្រទេស EU និងអ៊ុយក្រែន ដោយអះអាងថា ការចោទប្រកាន់ទាំងនេះគ្មានភស្តុតាងនិងគ្រាន់តែជាការសន្និដ្ឋានប៉ុណ្ណោះ។
ប្រភពពីសារព័ត៌មានÂndolu Agency នៅថ្ងៃទី១៤ខែកក្កដា។
ស្ថានទូតរុស្ស៊ីប្រចាំប្រទេសអាល្លឺម៉ង់ បានឱ្យដឹងថា ឯកអគ្គរដ្ឋទូត Sergey Nechayev ត្រូវបានក្រសួងការបរទេសអាល្លឺម៉ង់កោះហៅ ដើម្បីទទួលសេចក្តីថ្លែងការណ៍របស់ EU និងការជូនដំណឹងអំពីផែនការដាក់ទណ្ឌកម្មថ្មីលើបុគ្គល និងស្ថាប័នរុស្ស៊ី។
រុស្ស៊ីក៏បានរិះគន់អាល្លឺម៉ង់ និង EU ថា កំពុងបង្កើនការប្រឈមមុខដាក់គ្នាជាមួយទីក្រុងមូស្គូ ជំនួសឱ្យការជ្រើសរើសផ្លូវសន្ទនា ហើយព្រមានថា ការពង្រីកទណ្ឌកម្មនឹងមានផលវិបាកតបតវិញ៕
