កងទ័ពអ៊ីស្រាអែលបានសម្រេចមិនចោទប្រកាន់ព្រហ្មទណ្ឌលើទាហានម្នាក់ ដែលបានប្រើកម្លាំងចាប់បំពង់ក និងផ្តួលអ្នកថតរូបព័ត៌មានរបស់ CNN ឈ្មោះ Cyril Theophilos កាលពីខែមីនា នៅភូមិ Tayasir ក្នុងតំបន់ West Bank ដែលស្ថិតក្រោមការកាន់កាប់។
ប្រភពពីសារព័ត៌មានÂndolu Agency នៅថ្ងៃទី១៤ខែកក្កដា។
ក្រោយការស៊ើបអង្កេត កងទ័ពបានទទួលស្គាល់ថា ទាហានរូបនោះពិតជាបានប្រើកម្លាំងលើអ្នកសារព័ត៌មាន ប៉ុន្តែព្រះរាជអាជ្ញាយោធាបានសម្រេចមិនប្តឹងជាបទល្មើសព្រហ្មទណ្ឌ ដោយបញ្ជូនសំណុំរឿងទៅដោះស្រាយតាមវិន័យយោធាវិញ។
ទាហានរូបនេះបានទទួលការព្រមានជាផ្លូវការ បន្ទាប់ពីសម្តែងការសោកស្តាយចំពោះទង្វើរបស់ខ្លួន។ កាលពីពេលកើតហេតុ កងទ័ពអ៊ីស្រាអែលក៏បានឃាត់ខ្លួនក្រុមការងារ CNN និងចង្អុលកាំភ្លើងទៅកាន់ពួកគេផងដែរ៕
