ស្ថានការណ៍ជម្លោះរវាងសហរដ្ឋអាមេរិក និងអ៊ីរ៉ង់បន្តកើនឡើង ខណៈ អេមីរ៉ាតអារ៉ាប់រួម (UAE) អះអាងថា នាវាដឹកប្រេងរបស់ខ្លួនចំនួន ២គ្រឿង ត្រូវបានមីស៊ីលរបស់អ៊ីរ៉ង់វាយប្រហារ។
ប្រភពពីសារព័ត៌មានAl Jazeera នៅថ្ងៃទី១៤ខែកក្កដា។
ទន្ទឹមនឹងនេះ ឥណ្ឌា បានកោះហៅមន្ត្រីការទូតរងរបស់អ៊ីរ៉ង់ បន្ទាប់ពីនាវិកជនជាតិឥណ្ឌាម្នាក់ស្លាប់ និងមនុស្សជាច្រើននាក់ទៀតរងរបួសក្នុងការវាយប្រហារនោះ។
ជាមួយគ្នានេះ កងទ័ពអាមេរិកបានបន្តវាយប្រហារលើគោលដៅក្នុងប្រទេសអ៊ីរ៉ង់ ដោយប្រព័ន្ធផ្សព្វផ្សាយអ៊ីរ៉ង់រាយការណ៍ថា មានការផ្ទុះនៅកោះ Kish និង Qeshm ព្រមទាំងតំបន់ Bushehr និង Bandar Abbas។ អាមេរិកក៏បានអះអាងថា បានប្រើទូកដ្រូនវាយប្រហារនាវាយោធាអ៊ីរ៉ង់ ក្នុងប្រតិបត្តិការប្រភេទថ្មីជាលើកដំបូង៕
