កងទ័ពអ៊ីស្រាអែល បានបង្កើនការវាយប្រហារនៅទូទាំងភាគខាងត្បូងប្រទេសលីបង់ នៅថ្ងៃព្រហស្បតិ៍ទី១៦.០៧.២០២៦។
ពោលគឺមួយថ្ងៃ បន្ទាប់ពីការចរចាដោយផ្ទាល់រវាងទីក្រុងបេរូត និងទីក្រុងតែលអាវីវ នៅក្នុងរដ្ឋធានីរ៉ូម របស់ប្រទេសអ៊ីតាលី ដើម្បីចាប់ផ្តើមការដកទ័ពរបស់អ៊ីស្រាអែលចេញពីទឹកដីលីបង់។
សារព័ត៌មានAnadolu។
ទីភ្នាក់ងារសារព័ត៌មានរដ្ឋលីបង់ NNA បាននិយាយថា យន្តហោះចម្បាំងអ៊ីស្រាអែលបានធ្វើការវាយប្រហារតាមអាកាសពីរលើកនៅជាយក្រុងនៃសង្កាត់ Al-Deir ក្នុង Nabatieh al-Fawqa។
ទីភ្នាក់ងារនេះ យាយថា ការផ្ទុះត្រូវបានឮនៅទូទាំងតំបន់ Nabatieh ខណៈដែលផ្សែងក្រាស់ៗបានហុយចេញពីតំបន់គោលដៅ។
ការបាញ់កាំភ្លើងធំ របស់អ៊ីស្រាអែលក៏បានកំណត់គោលដៅទីក្រុង Rashaf ផងដែរ ខណៈដែលកងកម្លាំងយោធាបានដុតបំផ្លាញផ្ទះសម្បែង និងដីជាច្រើនកន្លែងនៅជាយក្រុង Beit Yahoun ក្នុងសង្កាត់ Bint Jbeil នេះបើយោងតាម NNA។
ប្រព័ន្ធផ្សព្វផ្សាយលីបង់ក៏បានរាយការណ៍ពីសកម្មភាពយន្តហោះរបស់អ៊ីស្រាអែលនៅរយៈកម្ពស់មធ្យមលើស្រុកខាងកើតនៃ Hermel តំបន់ Akkar ភាគខាងជើង និងជាយក្រុងភាគខាងត្បូងនៃទីក្រុងបេរូត។
ការវាយប្រហាររបស់អ៊ីស្រាអែល ក៏ត្រូវបានរាយការណ៍នៅជាយក្រុង Braashit និង Beit Yahoun ក្នុង Bint Jbeil ផងដែរ៕
