នៅថ្ងៃទី២០ ខែកក្កដា អាជ្ញាធរបារាំងបានប្រកាសតំបន់ចំនួន ២៧ដែលស្ថិតក្នុងកម្រិតហានិភ័យខ្ពស់នៃភ្លើងឆេះព្រៃ ដោយសារអាកាសធាតុក្តៅ និងគ្រោះរាំងស្ងួត។
ប្រភពពីសារព័ត៌មានAnadolu Agency។
នៅតំបន់ Var ភ្លើងបានឆេះព្រៃជិត ២០០ហិកតា បំផ្លាញផ្ទះប្រហែល ១០ខ្នង និងបង្ខំឱ្យប្រជាពលរដ្ឋប្រមាណ ១៥០នាក់ជម្លៀសចេញពីលំនៅឋាន។ ក្រុមពន្លត់អគ្គិភ័យជាង ៦០០នាក់ត្រូវបានដាក់ពង្រាយដើម្បីទប់ស្កាត់អណ្តាតភ្លើង។
អាជ្ញាធរបានព្រមានថា ហានិភ័យភ្លើងឆេះព្រៃអាចកើនឡើងដល់កម្រិត «ខ្ពស់ខ្លាំង» នៅថ្ងៃអង្គារ ខណៈខ្យល់ Mistral នឹងបក់ខ្លាំងនៅភាគអាគ្នេយ៍ប្រទេស៕
