សហរដ្ឋអាមេរិក កំពុងរឹតបន្តឹងការប្រើប្រាស់វត្ថុធាតុដើមសំខាន់ៗពី ចិននិងប្រទេសដែលអាមេរិកមិនចាត់ទុកជាសម្ព័ន្ធមិត្ត ក្នុងខ្សែសង្វាក់ផ្គត់ផ្គង់វិស័យការពារជាតិ។ ចាប់ពីខែមករា ឆ្នាំ២០២៧ ក្រុមហ៊ុនផលិតសម្ភារៈការពារជាតិដែលចង់ទិញវត្ថុធាតុដើមពីប្រទេសទាំងនេះ នឹងត្រូវបង្ហាញថា ខ្លួនបានព្យាយាមស្វែងរកប្រភពផ្សេងទៀតយ៉ាងខ្លាំង ឬបញ្ជាក់ថា មិនមានប្រភពផ្សេងទៀតអាចផ្គត់ផ្គង់បាន។
ប្រភពពីសារព័ត៌មានCNA នៅថ្ងៃទី២១ខែកក្កដា។
វិធានការនេះមានគោលបំណង កាត់បន្ថយការពឹងផ្អែករបស់អាមេរិកលើចិន ជាពិសេសលើរ៉ែកម្រ (Rare Earths) ដែលចិនជាប្រទេសផលិត និងចម្រាញ់ធំបំផុតក្នុងពិភពលោក។ រ៉ែទាំងនេះមានសារៈសំខាន់សម្រាប់ផលិតផលបច្ចេកវិទ្យាខ្ពស់ ដូចជា រថយន្តអគ្គិសនី និងប្រព័ន្ធណែនាំមីស៊ីល៕
