អាជ្ញាធរអ៊ុយក្រែនបានអះអាងថា ការវាយប្រហារដោយគ្រាប់បែករបស់រុស្ស៊ីលើតំបន់ Zaporizhzhia ភាគអាគ្នេយ៍ប្រទេសអ៊ុយក្រែន កាលពីថ្ងៃទី២ ខែសីហា ឆ្នាំ២០២៦ បានបណ្តាលឱ្យមនុស្សម្នាក់ស្លាប់និង២១នាក់ទៀតរងរបួស។
ប្រភពពីសារព័ត៌មានAnadolu Agency។
អភិបាលតំបន់ លោក Ivan Fedorov បានឱ្យដឹងថា រុស្ស៊ីបានទម្លាក់គ្រាប់បែកចំនួន ៨គ្រាប់ លើមជ្ឈមណ្ឌលតំបន់ បណ្តាលឱ្យផ្ទះសម្បែង និងអគារផ្សេងៗរងការខូចខាត។ ស្ត្រីវ័យ ៧១ឆ្នាំម្នាក់បានស្លាប់ក្រោមគំនរបាក់បែក ខណៈអ្នករងរបួសមានកុមារី ២នាក់ផងដែរ ហើយមនុស្ស ២នាក់កំពុងស្ថិតក្នុងស្ថានភាពធ្ងន់ធ្ងរ។
មកទល់ពេលនេះ រុស្ស៊ីមិនទាន់ឆ្លើយតបចំពោះការចោទប្រកាន់នេះនៅឡើយទេ ហើយមិនអាចផ្ទៀងផ្ទាត់ព័ត៌មានដោយឯករាជ្យបានទេ ដោយសារសង្គ្រាមនៅតែបន្ត៕
