ភ្នំភ្លើងFuego បានបង្កើនសកម្មភាពផ្ទុះ ដោយបញ្ចេញផេះ ថ្ម និងឧស្ម័នក្តៅ។ អាជ្ញាធរបានព្រមានថា សកម្មភាពនេះអាចប៉ះពាល់ដល់តំបន់ជុំវិញ និងធ្វើឱ្យការធ្វើដំណើររងការរំខាន។
ប្រភពពីសារព័ត៌មានAnadolu Agency នៅថ្ងៃទី៦ខែសីហា។
ប្រជាពលរដ្ឋដែលរស់នៅក្បែរភ្នំភ្លើងត្រូវបានជម្លៀសទៅកាន់ទីកន្លែងមានសុវត្ថិភាព ខណៈផ្លូវមួយចំនួនត្រូវបានបិទ។ ស្ថានទូតអាមេរិកក៏បានណែនាំឱ្យពលរដ្ឋរបស់ខ្លួនតាមដានព័ត៌មាន និងត្រៀមខ្លួនសម្រាប់ការពន្យារពេលធ្វើដំណើរ។
សូមបញ្ជាក់ថា៖ភ្នំភ្លើង Fuego គឺជាភ្នំភ្លើងសកម្មបំផុតមួយនៅអាមេរិកកណ្ដាល។ កាលពីឆ្នាំ២០១៨ ការផ្ទុះរបស់វាបានសម្លាប់មនុស្សជាង ២០០នាក់៕
