ក្រុមហ៊ុនអវកាស Blue Origin បានបញ្ជាក់ថា ការផ្ទុះរ៉ុក្កែត New Glenn កាលពីខែឧសភា បណ្តាលមកពីបញ្ហានៅសន្ទះអុកស៊ីសែន (main oxygen valve) របស់ម៉ាស៊ីន BE-4 មួយក្នុងចំណោមម៉ាស៊ីនទាំង ៧។ នាយកប្រតិបត្តិ លោក Dave Limp បានឲ្យដឹងថា ការស៊ើបអង្កេត និងការពិនិត្យបំណែករ៉ុក្កែតបានបញ្ជាក់ពីមូលហេតុនេះ ហើយក្រុមហ៊ុនកំពុងកែប្រែសន្ទះនោះ ដើម្បីដំឡើងលើម៉ាស៊ីនដែលមានស្រាប់បានយ៉ាងឆាប់រហ័ស។
ប្រភពពីសារព័ត៌មានReuter នៅថ្ងៃទី៦ខែសីហា។
ការផ្ទុះបានកើតឡើងនៅទីលានបាញ់បង្ហោះក្នុងរដ្ឋផ្លរីដា ប៉ុន្មានថ្ងៃមុនការហោះហើរលើកទី៤ របស់ New Glenn បង្កការខូចខាតដល់ហេដ្ឋារចនាសម្ព័ន្ធទីលានបាញ់បង្ហោះ។ Blue Origin មានគោលដៅនាំយករ៉ុក្កែត New Glenn ត្រឡប់មកបំពេញបេសកកម្មហោះហើរវិញនៅចុងឆ្នាំ២០២៦ ខណៈក្រុមហ៊ុន United Launch Alliance (ULA) ដែលក៏ប្រើម៉ាស៊ីន BE-4 លើរ៉ុក្កែត Vulcan កំពុងសហការក្នុងការស៊ើបអង្កេតផងដែរ៕
