ផ្កាយរណបDanuri របស់កូរ៉េខាងត្បូង បានថតរូបកន្លែងដែលបំណែករ៉ុក្កែត Falcon 9 របស់ SpaceX បានធ្លាក់បុកលើព្រះចន្ទ កាលពីថ្ងៃទី៥ ខែសីហា ឆ្នាំ២០២៦។
ប្រភពពីសារព័ត៌មានAP។
រូបភាពមុន និងក្រោយបង្ហាញថា តំបន់កន្លែងបុកមានភាពងងឹត និងកើតជារណ្ដៅថ្មី ដោយការបុកបានធ្វើឱ្យធូលី និងថ្មនៅលើផ្ទៃព្រះចន្ទខ្ទាតចេញ។ អង្គការអវកាសកូរ៉េខាងត្បូងបានបញ្ជាក់ថា Danuri បានថតរូបតំបន់នេះជាច្រើនលើកពីគន្លងព្រះចន្ទ។
តាម SpaceX បំណែករ៉ុក្កែតបានធ្លាក់លើព្រះចន្ទក្នុងល្បឿនប្រហែល ៨,៧០០ គីឡូម៉ែត្រក្នុងមួយម៉ោង ដោយសារឥទ្ធិពលសកម្មភាពព្រះអាទិត្យ និងទំនាញផែនដី ដែលធ្វើឱ្យវាប្តូរគន្លងដោយចៃដន្យ។ NASA ក៏គ្រោងឱ្យយាន Lunar Reconnaissance Orbiter ហោះឆ្លងកាត់តំបន់នេះនៅសប្តាហ៍ក្រោយ ដើម្បីពិនិត្យស្នាមបុក៕
