អង្គការសហប្រជាជាតិ (UN) បានព្រមានថា សង្គ្រាមនៅស៊ូដង់កំពុងប៉ះពាល់យ៉ាងធ្ងន់ធ្ងរដល់ការអប់រំ និងអនាគតកុមារ។
តាម UN មានកុមារវ័យសិក្សា ជាង ៨លាននាក់ មិនអាចទៅសាលារៀនបាន ដោយសារសង្គ្រាមដែលបានផ្ទុះឡើងតាំងពីឆ្នាំ២០២៣។ នៅតំបន់ Darfur សាលារៀនជិត ៣ភាគ៤ ត្រូវបានបំផ្លាញ ខូចខាត ឬមិនអាចប្រើប្រាស់បាន។
ប្រភពពីសារព័ត៌មានAl Jazeera នៅថ្ងៃទី៨ខែសីហា។
UN ក៏បាននិយាយថា គ្រូបង្រៀនជាងពាក់កណ្តាលមិនបានទទួលប្រាក់ខែ ប៉ុន្តែពួកគេជាច្រើននៅតែបន្តបង្រៀន ទោះបីស្ថានភាពមានការលំបាកយ៉ាងណាក៏ដោយ។
UN ព្រមានថា ប្រសិនបើសង្គ្រាមនៅតែបន្ត កុមារស៊ូដង់អាចបាត់បង់ការអប់រំ និងឱកាសអនាគត ដែលមានន័យថា សង្គ្រាមអាចកំពុងបាត់បង់អនាគតរបស់កុមារមួយជំនាន់ទាំងមូល៕
