មន្ត្រីអាមេរិកម្នាក់បាននិយាយថាការចរចារវាងអ៊ីរ៉ង់ និងអូម៉ង់ កំពុងមានភាពរីកចម្រើន ហើយអាចឈានដល់កិច្ចព្រមព្រៀងក្នុងពេលឆាប់ៗ ដើម្បីបើកច្រកសមុទ្រHormuz ឱ្យនាវាពាណិជ្ជកម្ម និងនាវាដឹកប្រេងធ្វើដំណើរធម្មតាឡើងវិញ។
ប្រភពពីសារព័ត៌មានReuter នៅថ្ងៃទី៨ខែសីហា។
អាមេរិកបានបញ្ជាក់ថា ប្រសិនបើអ៊ីរ៉ង់ព្រមធានាឱ្យការដឹកជញ្ជូនតាមច្រកនេះដំណើរការដោយសេរី អាមេរិកនឹង បញ្ឈប់ការបិទខ្ទប់កំពង់ផែរបស់អ៊ីរ៉ង់។
ច្រក Hormuz មានសារៈសំខាន់ខ្លាំងចំពោះទីផ្សារថាមពលពិភពលោក ព្រោះមុនសង្គ្រាម ប្រហែល ១/៥ នៃប្រេងដែលប្រើប្រាស់ទូទាំងពិភពលោក ត្រូវឆ្លងកាត់ច្រកនេះ។ ការរំខានការដឹកជញ្ជូនបានធ្វើឱ្យតម្លៃថាមពលកើនឡើង និងជំរុញអតិផរណា។
ជាមួយគ្នានេះ អារ៉ាប៊ីសាអូឌីត តួកគី និងប៉ាគីស្ថាន ក៏បានព្រមព្រៀងបង្កើតកិច្ចព្រមព្រៀងការពាររួមគ្នា ដើម្បីពង្រឹងសន្តិសុខក្នុងតំបន់៕
