(កណ្តាល)៖ ក្រោយរងការរិៈគន់តាមបណ្ដាញសង្គម ជុំវិញការដ្ឋានសំណង់របស់លោកមេឃុំបែកចាន នាបណ្តោយផ្លូវលេខ៤២ ត្រង់ចំណុចភូមិព្រៃបឹង ឃុំបែកចាន ស្រុកអង្គស្នួល ខេត្តកណ្តាលថា កំពុងសាងសង់រំលោភលើដីផ្លូវសាធារណៈ។
នៅថ្ងៃទី១០ ខែសីហា ឆ្នាំ២០២៦ លោក នូ សុវណ្ណារិទ្ធ អភិបាលស្រុកអង្គស្នួល បានចេញលិខិតផ្អាកការដ្ឋានមួយនេះជាផ្លូវការ បន្ទាប់ពីក្រុមការងារចុះពិនិត្យ និងរកឃើញថា មិនទាន់មានលិខិតអនុញ្ញាតសាងសង់ត្រឹមត្រូវតាមច្បាប់។
*ទាក់ទិនរឿងនេះ មហាជនបានរិះគន់ថា លោកមេឃុំបែកចាន អាងតួនាទីបុណ្យស័ក្ដិនិងសិទ្ធិអំណាច ធ្វើសំណង់លើដីសាធារណៈទាំងបំពានតែម្ដង.!។
ខណៈខ្លួនជាអ្នកអនុវត្តច្បាប់ បែរជាបំពានច្បាប់ តើឱ្យពលរដ្ឋគោរពច្បាប់ដោយរបៀបណា?.។
ទោះជាយ៉ាងណាក្ដី.ក្រោយមានការរិៈគន់ តាមបណ្ដាញសារព័ត៌មាន សំណង់របស់លោកមេឃុំខាងលើ ត្រូវបានផ្អាកសកម្មភាពជាបណ្ដោះអាសន្នហើយ៕
