(កំពង់ឆ្នាំង)៖ ក្រោយមានប្រតិកម្មពីថ្នាក់ដឹកនាំ ឱ្យបើកការស្រាវជ្រាវ ករណីគម្រោងមូលនិធិឃុំ.មានភាពមិនប្រក្រតីពោលគឺ.សូឡា១ដើមតម្លៃ៨.០០០.០០០រៀលថ្លៃលើសទីផ្សារហួសហេតុ.!។
*ឥឡូវរដ្ឋបាលខេត្តកំពង់ឆ្នាំង បានចេញដីកាសម្រេច បញ្ចប់មុខតំណែងមន្ត្រីរាជការក្នុងរចនាសម្ព័ន្ធសាលាខេត្តកំពង់ឆ្នាំង ចំនួន២រូប៖ ទី១៖ លោក ហង្ស ពិសី អត្តលេខ ១៧២០៣០០១៥៦ ឋានន្តរស័ក្តិ ឧត្តមមន្ត្រីថ្នាក់លេខ៣ ពីនាយកទីចាត់ការផែនការ និងវិនិយោគសាលាខេត្ត មកជាមន្ត្រីការិយាល័យ គ្រប់គ្រងបុគ្គលិក នៃទីចាត់ការគ្រប់គ្រងធនធានមនុស្សសាលាខេត្ត កំពង់ឆ្នាំង។
២-លោក វ៉ាន់ ថេន អត្តលេខ ១៧៣០៤០០០៦១ ឋានន្តរស័ក្តិឧត្តមមន្ត្រីថ្នាក់លេខ៥ ពីនាយកទីចាត់ការអន្តរវិស័យសាលាខេត្ត មកជាមន្ត្រីការិយាល័យគ្រប់គ្រង បុគ្គលិកនៃទីចាត់ការគ្រប់គ្រងធនធានមនុស្សសាលាខេត្តកំពង់ឆ្នាំង។
គួរំលឹកថា ថ្មីៗនេះមានការផ្សព្វផ្សាយពីភាពមិនប្រក្រតី នៃការអនុវត្តគម្រោងមូលនិធិឃុំទឹកហូត ស្រុករលាប្អៀរ ខេត្តកំពង់ឆ្នាំង ដែលបង្គោលសូឡា១ដើមតម្លៃ៨,០០០,០០០រៀល ពោលគឺតម្លៃនេះខ្ពស់ជាងទីផ្សារហួសហេតុពេក!។
បង្កការរិះគន់ផ្អើលដល់ថ្នាក់ដឹកនាំទើបសម្ដេចធិបតី ហ៊ុន ម៉ាណែត បញ្ជាឱ្យបើកការស៊ើបអង្កេត និងឈានដល់បញ្ចប់មុខតំណែង មន្ត្រី២រូបខាងលើ៕
