រុស្ស៊ីបានព្រមានសហភាពអឺរ៉ុប (EU) ថា ការចាប់ឬឃាត់នាវារុស្ស៊ីអាចនាំមកនូវ ហានិភ័យធ្ងន់ធ្ងរដល់អឺរ៉ុបខ្លួនឯង ហើយអាចបង្កផលវិបាកនៅពេលក្រោយ។
ប្រភពពីសារព័ត៌មានAnadolu Agency នៅថ្ងៃទី១៣ខែសីហា។
ក្រសួងការបរទេសរុស្ស៊ីបានចោទប្រកាន់កងកម្លាំងអឺរ៉ុបថា កំពុងធ្វើការត្រួតពិនិត្យនាវាបរទេសដោយ គ្មានមូលដ្ឋានច្បាប់គ្រប់គ្រាន់ ក្រោមប្រតិបត្តិការ Operation Irini ដែលត្រូវបានបង្កើតឡើងដើម្បីជួយអនុវត្តការហាមឃាត់ការដឹកជញ្ជូនអាវុធទៅប្រទេសលីប៊ី។
រុស្ស៊ីអះអាងថា អាណត្តិដែលគាំទ្រដោយអង្គការសហប្រជាជាតិសម្រាប់ប្រតិបត្តិការ Irini បានផុតកំណត់នៅខែឧសភា ឆ្នាំ២០២៦។ ដូច្នេះ រុស្ស៊ីចោទថា EU កំពុងប្រើប្រតិបត្តិការនេះ ដើម្បីដាក់សម្ពាធលើនាវាពាណិជ្ជកម្ម និងរារាំងការដឹកជញ្ជូនប្រេងរុស្ស៊ី។
រុស្ស៊ីក៏បានរិះគន់ការត្រួតពិនិត្យនាវាដែល EU សង្ស័យថាជា “កងនាវាស្រមោល” ដែលត្រូវបានចោទថាដឹកប្រេងរុស្ស៊ីដែលស្ថិតក្រោមទណ្ឌកម្ម។ រុស្ស៊ីអះអាងថា សកម្មភាពទាំងនេះរំលោភលើសេរីភាពធ្វើនាវាចរណ៍ ដែលត្រូវបានការពារដោយអនុសញ្ញាច្បាប់សមុទ្ររបស់អង្គការសហប្រជាជាតិឆ្នាំ១៩៨២៕
