អង្គការHuman Rights Watch (HRW) បានចោទប្រកាន់ថា កងកម្លាំង Africa Corps ដែលគាំទ្រដោយរុស្ស៊ី បានសម្លាប់ជនស៊ីវិល ៩ នាក់នៅប្រទេសម៉ាលី ក្នុងនោះមានកុមារ ៤ នាក់។
ប្រភពពីសារព័ត៌មានAl Jazeera នៅថ្ងៃទី២១ខែសីហា។
តាម HRW ហេតុការណ៍នេះបានកើតឡើងកាលពីដើមខែមុន ខណៈទាហានម៉ាលីក៏មានវត្តមាននៅទីនោះផងដែរ។ អង្គការនេះក៏អះអាងថា មនុស្សរាប់សិបនាក់ត្រូវបានវាយធ្វើបាប និងផ្ទះយ៉ាងហោចណាស់ ៨ ខ្នងត្រូវបានដុត។
HRW បានអំពាវនាវឱ្យរដ្ឋាភិបាលម៉ាលីបើកការស៊ើបអង្កេតឱ្យបានឆាប់រហ័ស និងដាក់ទោសអ្នកដែលពាក់ព័ន្ធទាំងអស់ ប្រសិនបើរកឃើញថាមានកំហុស។
ស្ថានការណ៍សន្តិសុខនៅម៉ាលី និងតំបន់ Sahel នៅតែមានភាពតានតឹង ខណៈកងកម្លាំងរដ្ឋាភិបាល និងកងកម្លាំងដែលគាំទ្រដោយរុស្ស៊ីកំពុងប្រយុទ្ធប្រឆាំងក្រុមប្រដាប់អាវុធនៅតំបន់ជាច្រើន៕
