ការវាយប្រហារតាមអាកាសមួយបានកើតឡើងនៅវត្តព្រះពុទ្ធសាសនា ក្នុងភូមិ Swel Le Oh តំបន់ Myaung នៃតំបន់ Sagaingរបស់ប្រទេសមីយ៉ាន់ម៉ា កាលពីថ្ងៃទី២១ ខែសីហា ឆ្នាំ២០២៦។ ក្រុមប្រឆាំង និងប្រជាពលរដ្ឋក្នុងតំបន់បានរាយការណ៍ថា មនុស្សយ៉ាងហោចណាស់១ នាក់បានស្លាប់ និងប្រមាណ២០នាក់ទៀតរងរបួស។
ប្រភពពីសារព័ត៌មានAl Jazeera។
តាមសាក្សីក្នុងតំបន់មនុស្សជាង ១០០ នាក់កំពុងស្នាក់នៅក្នុង និងជុំវិញវត្ត ដើម្បីចូលរួមកម្មវិធីសមាធិ និងសាសនារយៈពេលមួយសប្តាហ៍ ក្នុងអំឡុងពេលបុណ្យចូលព្រះវស្សា។ យន្តហោះចម្បាំងបានទម្លាក់គ្រាប់បែកចំនួន ២ គ្រាប់ទៅលើតំបន់ភូមិ ដោយមានចន្លោះប្រហែល ១៥ នាទី។
ក្នុងចំណោមអ្នកស្លាប់ មានស្ត្រី ៣ នាក់។ ប្រព័ន្ធផ្សព្វផ្សាយក្នុងតំបន់ក៏បានរាយការណ៍ពីចំនួនអ្នកស្លាប់ប្រហែល ១០ ទៅ ១៤ នាក់។
យោធាមីយ៉ាន់ម៉ាមិនទាន់ធ្វើអត្ថាធិប្បាយភ្លាមៗចំពោះការវាយប្រហារនេះទេ។ កន្លងមក យោធាបានអះអាងថា ការវាយប្រហាររបស់ខ្លួនមានគោលដៅលើទីតាំងដែលខ្លួនចាត់ទុកថាជាគោលដៅស្របច្បាប់៕
