កងទ័ពអ៊ីស្រាអែល បានបាញ់កាំភ្លើងធំចំនួន៤គ្រាប់ ទៅលើតំបន់ Bat al-Warda Hill ជិតទីក្រុង Beit Jinn ភាគខាងត្បូងប្រទេសស៊ីរី កាលពីថ្ងៃទី២៩ ខែសីហា។
ប្រភពពីសារព័ត៌មានAnadolu Agency។
ការវាយប្រហារនេះកើតឡើង ខណៈស៊ីរី និងអ៊ីស្រាអែលទើបបានជួបពិភាក្សាគ្នានៅប្រទេសហ្ស៊កដានី ដោយមានសហរដ្ឋអាមេរិកជាអ្នកសម្របសម្រួល ដើម្បីព្យាយាមបន្ថយភាពតានតឹងរវាងប្រទេសទាំងពីរ។
នៅមិនទាន់មានព័ត៌មានថា ការបាញ់ផ្លោងនេះបណ្តាលឱ្យមានអ្នកស្លាប់ ឬរបួសប៉ុន្មាននាក់នោះទេ។
ប្រធានាធិបតីស៊ីរី Ahmad al-Sharaa បាននិយាយថា ស៊ីរីចង់បានកិច្ចព្រមព្រៀងសន្តិសុខជាមួយអ៊ីស្រាអែល និងចង់ឈានទៅរកសន្តិភាព ប៉ុន្តែស៊ីរីនៅតែទាមទារតំបន់ Golan Heights ដែលអ៊ីស្រាអែលកាន់កាប់តាំងពីឆ្នាំ១៩៦៧។
សូមបញ្ជាក់ថា៖ ចាប់តាំងពីរបប Bashar al-Assad ដួលរលំនៅចុងឆ្នាំ២០២៤ អ៊ីស្រាអែលបានបង្កើនការវាយប្រហារលើទីតាំងយោធា និងឃ្លាំងអាវុធនៅក្នុងប្រទេសស៊ីរី៕
