ប្រធានាធិបតីស្តីទីវេណេស៊ុយអេឡា Delcy Rodríguez បានឱ្យដឹងថា កិច្ចព្រមព្រៀងថាមពលថ្មីជាមួយសហរដ្ឋអាមេរិកនឹងមានសុពលភាពរយៈពេល២៥ឆ្នាំ។
ប្រភពពីសារព័ត៌មានAl Jazeera នៅថ្ងៃទី៣០ខែសីហា។
កិច្ចព្រមព្រៀងនេះមានគោលបំណងបង្កើនការផលិតប្រេងឆៅរបស់វេណេស៊ុយអេឡា ឱ្យបានប្រមាណ១.៥ លានបារ៉ែលក្នុងមួយថ្ងៃ និងជួយស្តារឧស្សាហកម្មប្រេងដែលកំពុងជួបបញ្ហា។
លោកស្រី Rodríguez បានហៅកិច្ចព្រមព្រៀងនេះថា ជា កិច្ចព្រមព្រៀងប្រវត្តិសាស្ត្រ ដែលអាចជួយស្តារសេដ្ឋកិច្ច និងបង្កើនចំណូលរដ្ឋ។ ទោះជាយ៉ាងណា លោកស្រីបានបញ្ជាក់ថា វេណេស៊ុយអេឡានៅតែរក្សា អធិបតេយ្យភាពលើធនធានធម្មជាតិ និងប្រេងរបស់ខ្លួន។
កិច្ចព្រមព្រៀងនេះក៏មានផែនការអភិវឌ្ឍតំបន់ប្រេងសំខាន់ៗចំនួន១៧ដើម្បីបង្កើនផលិតកម្ម និងទាក់ទាញការវិនិយោគ និងបច្ចេកវិទ្យាពីបរទេស៕
