មនុស្សម្នាក់បានស្លាប់និងប្រមាណ១៥នាក់ទៀតកំពុងបាត់ខ្លួន បន្ទាប់ពីទឹកជំនន់ភ្លាមៗបានកើតឡើងនៅតំបន់Grand Canyon កាលពីថ្ងៃសៅរ៍។
ប្រភពពីសារព័ត៌មានAp នៅថ្ងៃទី៣១ខែសីហា។
សេវាឧទ្យានជាតិអាមេរិកបានឱ្យដឹងថា សាកសពបុរសអាយុ ៤៦ឆ្នាំម្នាក់ ត្រូវបានរកឃើញកាលពីល្ងាចថ្ងៃអាទិត្យ នៅក្បែរតំបន់ Crystal Rapids តាមដងទន្លេ Colorado។
ទឹកជំនន់បានបង្កឱ្យមានការជម្លៀសមនុស្សជាង ៦០នាក់ចេញពីតំបន់ជ្រៅក្នុងជ្រលង Grand Canyon។ ទឹកក៏បានអូសថ្មធំៗចូលទៅក្នុងទន្លេ និងបំផ្លាញបំពង់ទឹកសំខាន់មួយ ដែលផ្គត់ផ្គង់ទឹកដល់អ្នកទេសចរ និងអ្នករស់នៅក្នុងឧទ្យាន។
ដោយសារបំពង់ទឹកខូច ចាប់ពីថ្ងៃចន្ទ អ្នកទេសចរនឹងមិនអាចស្នាក់នៅសណ្ឋាគារ និងផ្ទះសំណាក់ក្នុងឧទ្យានបានទេ។ អាជ្ញាធរក៏បានស្នើឱ្យប្រជាជនដែលរស់នៅទីនោះសន្សំសំចៃទឹក ខណៈក្រុមសង្គ្រោះបន្តស្វែងរកអ្នកដែលបាត់ខ្លួន៕
