គិតត្រឹមថ្ងៃទី៣១.០៨.២០២៦ គ្រោះមហន្តរាយ នៃការបាក់ទំនប់ទឹកនៅតំបន់ព្រំដែនប្រទេសនេប៉ាល់និងប្រទេសចិន កាលពីថ្ងៃទី២៦.០៨.២០២៦ បានសម្លាប់មនុស្សចំនួន៩១៩នាក់.ហើយមនុស្សជាង៤.៧០០នាក់ទៀត នៅតែបាត់ខ្លួននៅទូទាំងប្រទេសនេប៉ាល់ និងប្រទេសចិន។
សារព័ត៌មានCNN។
ព័ត៌មានថ្មីៗបំផុត នៃការកើនឡើងនៃចំនួនអ្នកបាត់ខ្លួន៖ នៅក្នុងប្រទេសនេប៉ាល់ បានកើនឡើងយ៉ាងខ្លាំងបន្ទាប់ពីទឹកជំនន់ ដ៏មហន្តរាយរវាងប្រទេសនេប៉ាល់ និងចិន កាលពីសប្តាហ៍មុន ។
ខណៈដែលអាជ្ញាធរ បានរាយការណ៍ថាមានមនុស្សជាង៤.២០០នាក់បានបាត់ខ្លួន.ពោលគឺ ចំនួននៃការបាត់ខ្លួននេះ កើនឡើងប្រហែល២.៥០០ នាក់បើធៀបកាលពី១ថ្ងៃមុន ខណៈចំនួនអ្នកស្លាប់សរុបឥឡូវនេះ៩១៩នាក់។
អាជ្ញាធរនេប៉ាល់ និយាយថា ការស្វែងរកកម្មករ ដែលអាចជាប់នៅក្នុងផ្លូវរូងក្រោមដី វារីអគ្គិសនីឥឡូវនេះគឺជា”អាទិភាពខ្ពស់បំផុត”។ កម្មករជាង ៩០០នាក់នៅក្នុងគម្រោងផ្សេងៗកំពុងបាត់ខ្លួន។
ប្រទេសចិនបានដាក់សញ្ញា “ចំណុចគ្រោះមហន្តរាយភូមិសាស្ត្រដែលមានហានិភ័យខ្ពស់” ចំនួន៨សម្រាប់ការត្រួតពិនិត្យយ៉ាងយកចិត្តទុកដាក់នៅកំពង់ផែGyirong ដែលរងគ្រោះដោយគ្រោះមហន្តរាយ។
អាជ្ញាធរក៏បានព្រមានផងដែរថា រណ្ដៅមួយពីការដួលរលំនៃផ្ទាំងទឹកកកដំបូងដែលបង្កឱ្យមានគ្រោះមហន្តរាយនេះគឺជា «ចំណុចហានិភ័យដ៏ធំបំផុត» សម្រាប់បឹងរបាំងដែលកើតឡើង៕
