យ៉ាងហោចណាស់កម្មករ៩៣៣នាក់ ត្រូវបានគេជឿថា កំពុងជាប់ខ្លួននៅតាមគម្រោងវារីអគ្គិសនីប្រមាណ៦ទីតាំង ក្នុងប្រទេសនេប៉ាល់ បន្ទាប់ពីប្រទេសនេះរងគ្រោះដោយទឹកជំនន់ និងការបាក់ដីយ៉ាងធ្ងន់ធ្ងរកាលពីសប្តាហ៍មុន។
ប្រភពពីសារព័ត៌មានAnadolu Agency នៅថ្ងៃទី៣១ខែសីហា។
អាជ្ញាធរគ្រប់គ្រងគ្រោះមហន្តរាយនេប៉ាល់បានឱ្យដឹងកាលពីថ្ងៃទី៣១ ខែសីហា ថា ក្រុមជួយសង្គ្រោះកំពុងប្រឹងប្រែងទៅដល់កម្មករដែលជាប់នៅតំបន់រងគ្រោះ។ ទឹកជំនន់បានបំផ្លាញផ្លូវ ស្ពាន និងហេដ្ឋារចនាសម្ព័ន្ធសំខាន់ៗជាច្រើន ដែលធ្វើឱ្យការធ្វើដំណើរ និងការផ្តល់ជំនួយទៅកាន់តំបន់មួយចំនួនមានការលំបាក។
ជាមួយគ្នានេះ ក្រុមសង្គ្រោះនៅតែបន្តស្វែងរកមនុស្សដែលបាត់ខ្លួន បន្ទាប់ពីទឹកជំនន់ និងការបាក់ដីបានវាយប្រហារតំបន់ជាច្រើន។ អាជ្ញាធរក៏កំពុងវាយតម្លៃការខូចខាតដល់គម្រោងវារីអគ្គិសនី និងហេដ្ឋារចនាសម្ព័ន្ធសំខាន់ៗផ្សេងទៀត៕
