នៅថ្ងៃទី៣ ខែកញ្ញា ឆ្នាំ២០២៦ កងទ័ពអ៊ីរ៉ង់បានអះអាងថា ខ្លួនបានបាញ់មីស៊ីល និងបញ្ជូនដ្រូនវាយប្រហារលើមូលដ្ឋានយោធាអាមេរិកនៅគុយវ៉ែតនិងអារ៉ាប់រួម (UAE)។
ប្រភពពីសារព័ត៌មានAnadolu Agency។
តាមការបញ្ជាក់របស់កងទ័ពអ៊ីរ៉ង់ ការវាយប្រហារនេះជាផ្នែកទី៣១ នៃប្រតិបត្តិការSaeqeh ដើម្បីសងសឹកចំពោះការវាយប្រហាររបស់អាមេរិកលើអ៊ីរ៉ង់។
នៅគុយវ៉ែត អ៊ីរ៉ង់អះអាងថា បានវាយប្រហារប្រព័ន្ធទំនាក់ទំនង ឃ្លាំងសម្ភារៈ និងរោងចតយន្តហោះចម្បាំងនៅមូលដ្ឋាន Ahmed Al Jaber។ ចំណែកនៅ UAE មីស៊ីល និងដ្រូនត្រូវបានអះអាងថា បានវាយប្រហារទីតាំងកងទ័ពអាមេរិក និងប្រព័ន្ធរ៉ាដានៅមូលដ្ឋាន Al Minhad។
កងទ័ពអ៊ីរ៉ង់បានប្រកាសថា ខ្លួននឹងបន្តការវាយប្រហារ ដើម្បីឆ្លើយតបនឹងប្រតិបត្តិការយោធារបស់អាមេរិកប្រឆាំងនឹងអ៊ីរ៉ង់។
ជាមួយគ្នានេះ គុយវ៉ែតបាននិយាយថា ប្រព័ន្ធការពារអាកាសរបស់ខ្លួនកំពុងឆ្លើយតបនឹងការវាយប្រហារដោយមីស៊ីល និងដ្រូនរបស់អ៊ីរ៉ង់ ហើយបានថ្កោលទោសការវាយប្រហារនេះថា ជាការរំលោភយ៉ាងធ្ងន់ធ្ងរលើអធិបតេយ្យភាពរបស់ខ្លួន៕
