(ភ្នំពេញ )៖ កាលពីថ្ងៃទី០៦ ខែកញ្ញា ឆ្នាំ២០២៦ សម្តេច ធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ព្រមទាំងក្រុមគ្រួសារ បានអញ្ជើញដើរកម្សាន្តជាលក្ខណៈគ្រួសារនៅ “ផ្លូវថ្មើរជើងចតុមុខ”ដោយបានបង្កើតនូវបរិយាកាសយ៉ាងរីករាយ និងភ្ញាក់ផ្អើលយ៉ាងខ្លាំងដល់សាធារណជន។ដំណើរទស្សនាកម្សាន្តនេះ ប្រជាពលរដ្ឋ ព្រមទាំងភ្ញៀវទេសចរជាតិ និងអន្តរជាតិយ៉ាងច្រើនកុះករ បានចោមរោមទទួលស្វាគមន៍យ៉ាងកក់ក្តៅ និងសុំថតរូបអនុស្សាវរីយ៍យ៉ាងស្និទ្ធស្នាល។
សម្តេចធិបតី ហ៊ុន ម៉ាណែត និងលោកជំទាវបណ្ឌិត ក៏បានសំណេះសំណាលសួរសុខទុក្ខបងប្អូនប្រជាពលរដ្ឋ និងទស្សនាស្តង់ម្ហូបអាហារដ៏សម្បូរបែបនៅតាមដងផ្លូវ ប្រកបដោយស្នាមញញឹម និងក្តីគោរពស្រឡាញ់យ៉ាងជ្រាលជ្រៅ៕
