គិតត្រឹមថ្ងៃទី១០ ខែកញ្ញា ឆ្នាំ២០២៦ ចំនួនអ្នកស្លាប់ដោយសារបាក់ដីដែលបង្កឡើងដោយភ្លៀងធ្លាក់ខ្លាំង នៅខេត្តJiangxi ភាគអាគ្នេយ៍ប្រទេសចិន បានកើនដល់១៦នាក់ បន្ទាប់ពីក្រុមស្វែងរក បានរកឃើញសាកសពម្នាក់ទៀត។
ប្រភពពីសារព័ត៌មានABC News។
ហេតុការណ៍នេះ បានកើតឡើងនៅស្រុក Suichuan បន្ទាប់ពីតំបន់នេះទទួលរងភ្លៀងធ្លាក់ខ្លាំងជាច្រើនថ្ងៃ ដែលបណ្តាលមកពីព្យុះទីហ្វុង Saudel។
ក្នុងចំណោមអ្នកស្លាប់ មាន១៣នាក់នៅទីប្រជុំជន Gaoping, ២នាក់នៅ Zuo’an និងម្នាក់ទៀតនៅ Tanghu។
អាជ្ញាធរបានជម្លៀសប្រជាពលរដ្ឋជាង១៨,០០០នាក់នៅក្នុងស្រុក Suichuan ដើម្បីការពារពួកគេពីហានិភ័យបាក់ដី និងគ្រោះមហន្តរាយបន្ថែមទៀត។
សូមបញ្ជាក់ថា៖ ក្រៅពីខេត្ត Jiangxi ភ្លៀងធ្លាក់ដែលបង្កឡើងដោយព្យុះ Saudel ក៏បានបណ្តាលឱ្យមនុស្ស ២នាក់ស្លាប់នៅខេត្ត Hunan ដែលនៅជិតគ្នាផងដែរ។
ព្យុះ Saudel បានបោកបក់ចូលដីនៅខេត្ត Zhejiang និង Fujian មុនពេលបង្កឱ្យមានភ្លៀងធ្លាក់ខ្លាំងនៅតំបន់ខាងក្នុងប្រទេសចិន៕
