គណបក្សនយោបាយចំនួន៣៨ បានដាក់កុនុងបញ្ជីបេក្ខជន ដើម្បីចូលរួមការបោះឆ្នោតសភាអ៊ីស្រាអែល ដែលនឹងប្រព្រឹត្តទៅនៅថ្ងៃទី ២៧ ខែតុលា ឆ្នាំ២០២៦។ សភាអ៊ីស្រាអែលមាន១២០អាសនៈ ហើយការស្ទង់មតិបង្ហាញថា ប្រហែល ១៣គណបក្ស អាចឈ្នះអាសនៈក្នុងសភា។
ប្រភពពីសារព័ត៌មានAnadolu Agency នៅថ្ងៃទី១០ខែកញ្ញា។
បច្ចុប្បន្ន គណៈកម្មាធិការរៀបចំការបោះឆ្នោតកំពុងពិនិត្យបញ្ជីបេក្ខជន និងពាក្យជំទាស់ពីគណបក្សនានា។
ការស្ទង់មតិថ្មីៗបង្ហាញថា គណបក្សប្រឆាំងកំពុងមានសំឡេងគាំទ្រច្រើនជាងបក្សរបស់នាយករដ្ឋមន្ត្រី Benjamin Netanyahu។ ប្រសិនបើលទ្ធផលបោះឆ្នោតដូចការស្ទង់មតិ គណបក្សប្រឆាំងអាចមានឱកាសបង្កើតរដ្ឋាភិបាលថ្មី។
ប្លុករបស់លោកNetanyahu រួមមានគណបក្ស Likud និងគណបក្សស្តាំនិយម និងសាសនាមួយចំនួន។ ចំណែកបក្សប្រឆាំងមានគណបក្សរបស់អតីតនាយករដ្ឋមន្ត្រី Naftali Bennett និងអតីតមេបញ្ជាការកងទ័ព Gadi Eisenkot ជាដើម។
ជាមួយគ្នានេះ គណបក្ស Otzma Yehudit របស់រដ្ឋមន្ត្រីសន្តិសុខជាតិ Itamar Ben-Gvir បានស្នើឱ្យគណៈកម្មាធិការរៀបចំការបោះឆ្នោត ដកគណបក្ស United Arab List និងមេដឹកនាំ Mansour Abbas ចេញពីការបោះឆ្នោត។ Ben-Gvir ចោទប្រកាន់ Abbas ថាគាំទ្រ Hamas និងការតស៊ូប្រដាប់អាវុធប្រឆាំងអ៊ីស្រាអែល។ ប៉ុន្តែ Abbas មិនទាន់ឆ្លើយតបចំពោះការចោទប្រកាន់នេះទេ។
ចំណុចសំខាន់គឺ អ្នកដែលឈ្នះការបោះឆ្នោត មិនមានន័យថាអាចបង្កើតរដ្ឋាភិបាលបានភ្លាមៗទេ។ ដើម្បីបង្កើតរដ្ឋាភិបាល ត្រូវមានការគាំទ្រយ៉ាងហោចណាស់ ៦១ ក្នុងចំណោម ១២០អាសនៈ។
ដូច្នេះ ការបោះឆ្នោតខាងមុខនេះនឹងសំខាន់សម្រាប់កំណត់ថា តើ Netanyahu អាចបន្តដឹកនាំប្រទេស ឬគណបក្សប្រឆាំងអាចបង្កើតរដ្ឋាភិបាលថ្មី៕
