ចំនួនអ្នកឆ្លងជំងឺអេបូឡានៅកុងហ្គោ បានកើនឡើងដល់៧,០២២នាក់ ខណៈអ្នកស្លាប់កើនដល់៣,៣៩៨នាក់។ ជំងឺនេះក៏បានរាលដាលទៅ ខេត្តទី៧គឺខេត្ត South Ubangi ដែលស្ថិតនៅភាគពាយ័ព្យប្រទេស និងនៅឆ្ងាយពីតំបន់ដែលជំងឺផ្ទុះដំបូង។
ប្រភពពីសារពត៌មានReuter នៅថ្ងៃទី១២ខែកញ្ញា។
ការផ្ទុះជំងឺនេះបង្កឡើងដោយប្រភេទ Bundibugyo ហើយត្រូវបានចាត់ទុកថា ជាការផ្ទុះជំងឺអេបូឡាដ៏ធ្ងន់ធ្ងរបំផុតក្នុងប្រវត្តិសាស្ត្រកុងហ្គោ ដោយបានលើសការផ្ទុះនៅឆ្នាំ 2018–2020។
ករណីដំបូងនៅខេត្ត South Ubangi គឺបុរសអាយុ ២៣ឆ្នាំម្នាក់ ដែលបានស្លាប់កាលពីថ្ងៃអង្គារ ហើយការធ្វើតេស្តបញ្ជាក់ថា គាត់មានជំងឺអេបូឡាប្រភេទ Bundibugyo។ អាជ្ញាធរកំពុងស្វែងរក និងតាមដានអ្នកដែលបានប៉ះពាល់ជាមួយគាត់ ដើម្បីទប់ស្កាត់ការឆ្លងបន្ត។
អង្គការសុខភាពពិភពលោក (WHO) បានព្រមានថា ការខ្វះខាត បុគ្គលិកជំនាញ ថវិកា និងក្រុមជំនួយ កំពុងធ្វើឱ្យការឆ្លើយតបនឹងការផ្ទុះជំងឺមានភាពយឺតយ៉ាវ ខណៈអេបូឡាកំពុងរាលដាលទៅតំបន់ថ្មីៗ៕
