ប្រធានាធិបតីបារាំង លោក Emmanuel Macron បានអំពាវនាវឱ្យមានការបង្កើតផ្លូវដឹកជញ្ជូនថាមពលជំនួសច្រកសមុទ្រ Hormuz ដើម្បីធានាការផ្គត់ផ្គង់ថាមពល និងកាត់បន្ថយសម្ពាធលើតម្លៃប្រេងឥន្ធនៈ។
ប្រភពពីសារព័ត៌មានAÂ news នៅថ្ងៃទី១៥ខែកញ្ញា។
លោក Macron បាននិយាយថា ការបន្ថយភាពតានតឹងនៅក្នុងតំបន់ និងការបង្កើតផ្លូវជំនួសច្រក Hormuz នឹងជួយកាត់បន្ថយការឡើងថ្លៃប្រេងនៅតាមស្ថានីយប្រេង។ លោកក៏បានសង្កត់ធ្ងន់ថា បារាំងត្រូវការធ្វើការជាមួយប្រទេសដៃគូ ដើម្បីពង្រឹងសន្តិសុខ និងប្រយុទ្ធប្រឆាំងនឹងអំពើភេរវកម្ម។
ការលើកឡើងនេះធ្វើឡើង ខណៈលោក Macron បានទទួលជួបនាយករដ្ឋមន្ត្រីអ៊ីរ៉ាក់ លោក Ali Al-Zaidi នៅទីក្រុងប៉ារីស។ លោក Macron បាននិយាយថា បារាំង និងអ៊ីរ៉ាក់អាចដើរតួនាទីជួយរក្សាតុល្យភាព និងស្ថិរភាពក្នុងតំបន់។
លោក Al-Zaidi កំពុងបំពេញទស្សនកិច្ចផ្លូវការទៅកាន់បារាំង និងអាល្លឺម៉ង់ ដើម្បីពិភាក្សាអំពីសេដ្ឋកិច្ច ការវិនិយោគ ពាណិជ្ជកម្ម ថាមពល ឧស្សាហកម្ម បច្ចេកវិទ្យា ព្រមទាំងបញ្ហានយោបាយ និងសន្តិសុខ។ រដ្ឋាភិបាលអ៊ីរ៉ាក់មានគោលបំណងបង្កើតភាពជាដៃគូជាក់ស្តែង និងទាក់ទាញការវិនិយោគពីអឺរ៉ុបទៅកាន់ប្រទេសអ៊ីរ៉ាក់៕
