សហរដ្ឋអាមេរិកបានដាក់ទណ្ឌកម្មថ្មីលើធនាគារVTB Bank ដែលជាធនាគារធំទី២របស់រុស្ស៊ី ដោយចោទប្រកាន់ថាធនាគារនេះបានជួយអ៊ីរ៉ង់គេចវេសពីទណ្ឌកម្មរបស់ប្រទេសលោកខាងលិច។
ប្រភពពីសារព័ត៌មានReuter នៅថ្ងៃទី១៥ខែកញ្ញា។
ក្រសួងរតនាគារអាមេរិកបាននិយាយថា VTB បានពង្រីកទំនាក់ទំនងពាណិជ្ជកម្មរវាងរុស្ស៊ី និងអ៊ីរ៉ង់។ ដូច្នេះ សហរដ្ឋអាមេរិកបានព្រមានថា ធនាគារ និងក្រុមហ៊ុនបរទេសដែលនៅតែធ្វើអាជីវកម្មជាមួយ VTB អាចប្រឈមនឹង ទណ្ឌកម្មបន្ថែមពីអាមេរិក។
VTB ត្រូវបានអាមេរិកកាត់ផ្តាច់ចេញពីប្រព័ន្ធហិរញ្ញវត្ថុជាដុល្លាររួចហើយ ដោយសារតែការឈ្លានពានរបស់រុស្ស៊ីលើអ៊ុយក្រែន។ ទណ្ឌកម្មថ្មីនេះបន្ថែមសម្ពាធលើធនាគារ និងធ្វើឱ្យស្ថាប័នហិរញ្ញវត្ថុបរទេសមានហានិភ័យកាន់តែខ្លាំង ប្រសិនបើនៅតែធ្វើប្រតិបត្តិការជាមួយ VTB៕
