ប្រធានាធិបតីអាមេរិក លោក Donald Trump ត្រូវបានរាយការណ៍ថា នឹងជួបមេដឹកនាំឬរដ្ឋមន្ត្រីការបរទេសនៃប្រទេសឈូងសមុទ្រនៅទីក្រុង New York នៅថ្ងៃអង្គារសប្តាហ៍ក្រោយ ក្នុងអំឡុងមហាសន្និបាតអង្គការសហប្រជាជាតិ ដើម្បីពិភាក្សាអំពីជំហានបន្ទាប់ទាក់ទងនឹងសង្គ្រាមជាមួយអ៊ីរ៉ង់។
ប្រភពពីសារព័ត៌មានAnadolu Agency នៅថ្ងៃទី១៧ខែកញ្ញា។
ប្រទេសដែលរំពឹងថានឹងចូលរួមមាន អារ៉ាប៊ីសាអូឌីត អេមីរ៉ាតអារ៉ាប់រួម កាតា បារ៉ែន គុយវ៉ែត និងអូម៉ង់ ដែលជាសមាជិកក្រុមប្រឹក្សាសហប្រតិបត្តិការឈូងសមុទ្រ (GCC)។
តាមរបាយការណ៍ កិច្ចប្រជុំនឹងផ្តោតលើ ផែនការរបស់អាមេរិកសម្រាប់តំបន់បន្ទាប់ពីសង្គ្រាមអ៊ីរ៉ង់ និងផែនការ “ថ្ងៃបន្ទាប់” ដែលរដ្ឋបាល Trump កំពុងរៀបចំ។ កិច្ចប្រជុំអាចពង្រីកទៅចូលរួមដោយមេដឹកនាំប្រទេសអារ៉ាប់ និងមូស្លីមផ្សេងទៀតផងដែរ។
ក្រសួងការបរទេសអាមេរិកបានចាប់ផ្តើមផ្ញើលិខិតអញ្ជើញ ហើយនាយករដ្ឋមន្ត្រីអ៊ីស្រាអែល លោក Benjamin Netanyahu ក៏ចង់ជួបលោក Trump នៅ New York ដែរ ប៉ុន្តែមិនទាន់មានការកំណត់ពេលជាក់លាក់នៅឡើយ៕
