រុស្ស៊ីបានចាប់ផ្តើមការបោះឆ្នោតជ្រើសរើសសមាជិកសភា នៅថ្ងៃទី១៨ ខែកញ្ញា ឆ្នាំ២០២៦ ដែលជាការបោះឆ្នោតសភាលើកដំបូង ចាប់តាំងពីរុស្ស៊ីបើកការឈ្លានពានពេញទំហឹងលើអ៊ុយក្រែន។
ប្រភពពីសារព័ត៌មានCNN នៅថ្ងៃទី១៨ខែកញ្ញា។
ប្រជាជនរុស្ស៊ីនឹងជ្រើសរើសសមាជិក សភា State Duma ចំនួន ៤៥០ នាក់។ ការបោះឆ្នោតនឹងធ្វើឡើងរយៈពេល ៣ថ្ងៃ។
នៅទីក្រុង Ryazan បេក្ខជនទាំង៦នាក់ដែលបានចុះឈ្មោះ មិនបានចូលរួមក្នុងការជជែកពិភាក្សាតាមទូរទស្សន៍ទេ។ ដូច្នេះ កម្មវិធីទូរទស្សន៍បានបង្ហាញតែវេទិកាទទេ ដែលបង្ហាញពីការចូលរួមប្រកួតប្រជែងនយោបាយមានកម្រិត។
គណបក្ស United Russia ដែលគាំទ្រប្រធានាធិបតី Vladimir Putin និងបានគ្រប់គ្រងនយោបាយរុស្ស៊ីអស់ជាង២០ឆ្នាំ ត្រូវបានរំពឹងថានឹងទទួលបានអាសនៈភាគច្រើន។
ជាមួយគ្នានេះ គណបក្សប្រឆាំងដែលរិះគន់រដ្ឋាភិបាលមានវត្តមានតិចតួច ដោយអ្នកប្រឆាំងមួយចំនួនត្រូវបានរារាំងមិនឱ្យចូលរួម ឬបានចាកចេញពីប្រទេស។ គណបក្សប្រឆាំងប្រឆាំងសង្គ្រាម Yabloko ក៏ត្រូវបានតុលាការកំពូលរុស្ស៊ីហាមឃាត់មិនឱ្យចូលរួមក្នុងការបោះឆ្នោតផងដែរ។
ការបោះឆ្នោតក៏រួមបញ្ចូលតំបន់ដែលរុស្ស៊ីគ្រប់គ្រងនៅអ៊ុយក្រែន ដូចជា Crimea, Donetsk, Luhansk, Kherson និង Zaporizhzhia៕
