ប្រធានាធិបតីអាមេរិក លោក ដូណាល់ ត្រាំ បានបញ្ចប់ការស្នាក់នៅ Camp David មុនកាលកំណត់ និងត្រឡប់ទៅសេតវិមានវិញ កាលពីថ្ងៃសៅរ៍ ខណៈភាពតានតឹងនៅមជ្ឈិមបូព៌ាកំពុងកើនឡើង។ សេតវិមានមិនបានបញ្ជាក់មូលហេតុនៃការផ្លាស់ប្តូរកាលវិភាគនេះទេ។
ប្រភពពីសារព័ត៌មានAnadolu Agency នៅថ្ងៃទី២០ខែកញ្ញា។
មុននេះ យន្តហោះចម្បាំង F-16 របស់អាមេរិកបានស្ទាក់យន្តហោះស៊ីវិលមួយ ដែលចូលទៅក្នុងតំបន់ហាមឃាត់នៅក្បែរ Camp David។ កងទ័ពអាកាសអាមេរិកបាននិយាយថា យន្តហោះនោះត្រូវបាននាំចេញពីតំបន់ដោយសុវត្ថិភាព ហើយមិនមានការគំរាមកំហែងដល់លោក ត្រាំ ឬប្រជាជននៅលើដីទេ។
ក្នុងពេលជាមួយគ្នា ក្រសួងការបរទេសអាមេរិកបានព្រមានពលរដ្ឋអាមេរិកឱ្យ ពិចារណាឡើងវិញអំពីការធ្វើដំណើរទៅកាន់ ឬឆ្លងកាត់តំបន់មជ្ឈិមបូព៌ា ដោយសារស្ថានការណ៍សន្តិសុខអាចកាន់តែធ្ងន់ធ្ងរយ៉ាងឆាប់រហ័ស។ ក្រសួងក៏បានព្រមានអំពីការលុបចោលជើងហោះហើរ ការបិទដែនអាកាស និងការរំខានដល់ការធ្វើដំណើរ។
ក្រសួងការបរទេសអាមេរិកក៏បានលើកឡើងពីការវាយប្រហាររបស់ក្រុមហ៊ូទី ដែលគាំទ្រដោយអ៊ីរ៉ង់ លើអារ៉ាប៊ីសាអូឌីត និងបានព្រមានថា អ៊ីរ៉ង់ និងក្រុមដែលគាំទ្រអ៊ីរ៉ង់ អាចកំណត់គោលដៅលើផលប្រយោជន៍ អាជីវកម្ម និងស្ថាប័នរបស់អាមេរិក៕
