កងកម្លាំងអ៊ីស្រាអែលបានធ្វើប្រតិបត្តិការឆ្មក់ចូលតំបន់ជាច្រើនក្នុង West Bank កាលពីយប់ថ្ងៃអាទិត្យ ដោយចាប់ខ្លួនជនជាតិប៉ាឡេស្ទីន ២នាក់ ក្នុងនោះមានកុមារម្នាក់។ នេះបើតាមសារព័ត៌មានរដ្ឋប៉ាឡេស្ទីន Wafa។
ប្រភពពីសារព័ត៌មានAA news នៅថ្ងៃទី២១ខែកញ្ញា។
នៅតំបន់ Tuqu ភាគខាងត្បូងទីក្រុង Bethlehem ទាហានអ៊ីស្រាអែលបានស្វែងរកផ្ទះប្រជាពលរដ្ឋ និងបាញ់គ្រាប់ពិត មុនពេលចាប់ខ្លួនកុមារ និងយុវជនម្នាក់។
នៅតំបន់កណ្តាល និងភាគខាងជើង West Bank ក៏មានការឆ្មក់ចូលផ្ទះ ការបាញ់ឧស្ម័នបង្ហូរទឹកភ្នែក និងការបិទផ្លូវនិងអាជីវកម្មមួយចំនួន។ មិនមានការរាយការណ៍អំពីអ្នករងរបួស ឬការចាប់ខ្លួនបន្ថែមនៅតំបន់ទាំងនោះទេ។
Wafa ក៏រាយការណ៍ថា អ្នកតាំងទីលំនៅអ៊ីស្រាអែលមួយចំនួនបានគប់ដុំថ្មទៅលើរថយន្តប៉ាឡេស្ទីន បណ្តាលឱ្យរថយន្តមួយគ្រឿងខូចខាត និងព្យាយាមបុករថយន្តមួយទៀត។
ភាពតានតឹង និងអំពើហិង្សានៅ West Bank និង East Jerusalem បានកើនឡើងចាប់តាំងពីសង្គ្រាមនៅ Gaza ចាប់ផ្តើមក្នុងខែតុលា ឆ្នាំ២០២៣ ដោយមានការរាយការណ៍អំពីការចាប់ខ្លួន ការស្លាប់ ការបំផ្លាញទ្រព្យសម្បត្តិ និងការផ្លាស់ទីលំនៅរបស់ប្រជាជនប៉ាឡេស្ទីន៕
